სახელმწიფო უსაფრთხოების სამსახურის განცხადებით, რუსეთის მოქალაქე, ვასამბეგ ბოკოვის დაკავების საქმეზე მასმედიის საშუალებებში თემის განხილვის დროს, რიგ შემთხვევებში, კეთდება ისეთი სახის უპასუხისმგებლო განცხადებები, “აზიანებს გამოძიების ინტერესებს”. უწყებაში ამბობენ, რომ ამ პროცესში ერთი შეხედვით უმნიშვნელო დეტალსაც შეიძლება ჰქონდეს გადამწყვეტი მნიშვნელობა. სუსი მოუწოდებს ყველას, თავი შეიკავონ ამ საქმის საჯარო განხილვისგან:
“გვსურს ცალსახად აღვნიშნოთ, რომ გამოვთქვამთ მზადყოფნას, კანონით დადგენილი წესისა და პროცედურის დაცვით, ნებისმიერი პირისაგან მივიღოთ სისხლის სამართლის საქმესთან დაკავშირებული ინფორმაცია და მოვუწოდებთ საზოგადოებას, ითანამშრომლონ გამოძიებასთან.
ჩვენს მიერ გახმოვანდა მხოლოდ ის ინფორმაცია, რაც, ჩვენი თვალთახედვით, მნიშვნელოვანი და აუცილებელი იყო საზოგადოების სწორი ინფორმირებისთვის და არ დატოვებდა სივრცეს მანიპულირებისთვის. ნებისმიერი სახის ინფორმაციის გავრცელებამ, შესაძლოა, დააზიანოს მთავარი საჯარო ინტერესი —დადგინდეს საქმეზე ობიექტური ჭეშმარიტება”.
შეგახსენებთ, გვარამიას და გაბუნიას გარდა, ამ საქმეზე კომენტარი გააკეთა პრემიერმა გახარიამ, პრეზიდენტმა ზურაბიშვილმა, ნატოში აშშ-ს ელჩმა, კობახიძემ, კალაძემ, ვოლსკიმ… მოკლედ, ყველა პოლიტიკურმა ლიდერმა…
ვის გულსიხმობს სუსი და გულისხმობს თუ არა ყველას – არ დაუკონკრეტებია.
მართალია, მმართველი გუნდის ყველა ლიდერმა, სუს-ს მოუწოდა ყველა შესაძლო ინფორმაციის გასაჯაროებისკენ, მაგრამ სუსი გვეუბნება, რომ მზადაა ჩვენგან მიიღოს ინფორმაცია – თუ იგი თვეების მანძილზე აკვირდებოდა ბოკოვსა და მის მეგობრებს, ჩვენ როგორ გვეცოდინება მასზე მეტი – ეგაც უცნობია.
კომენტარები