“ქართული ოცნების” სპიკერი დღეს ამბობს, რომ ოქტომბერში კორონავირუსის გამო საგანგებო მდგომარეობის გამოცხადება, დიდი ალბათობით, საჭირო არ იქნება, შესაბამისად, არც არჩევნები გადაიდება:
“არჩევნების თარიღი მითითებულია კონსტიტუციაში ბოლო საკონსტიტუციო რეფორმის შემდეგ – ეს არის ოქტომბრის ბოლო შაბათი. რაც შეეხება თეორიულად არჩევნების გადადებას, ეს შეიძლება მოხდეს იმ ერთადერთ შემთხვევაში, თუ ოქტომბერში საგანგებო მდგომარეობისთვის გარკვეული პირობები იქნება შექმნილი.
თუმცა, ისეთ დინამიკა და ისეთი წარმატებული ისტორია გვაქვს პანდემიასთან ბრძოლის კუთხით, რომ, მაღალი ალბათობით, საგანგებო მდგომარეობის გამოცხადება არ უნდა დაგვჭირდეს და შესაბამისად, არ გადაიდება არჩევნები. გვრჩება თეორიული ვარიანტი, რაზეც ჩვენ გვქონდა საუბარი გასული დღეების განმავლობაში. თუმცა, მე მაქვს რწმენა, რომ ამის ალბათობა არის საკმაოდ დაბალი”
შეგახსენებთ, რამდენიმე დღის წინ კობახიძემ განაცხადა, რომ შესაძლებელია, შემოდგომაზე საგანგებო მდგომარეობა გამოცხადდეს და არჩევნები დეკემბრამდე ან იანვრამდე გადაიდოს.
თუმცა, გუშინ, პრემიერმა გახარიამ გუშინ განაცხადა, რომ პირადად ის ვერ ხედავს არჩევნების გადადების საშიშროებას.
კომენტარები