“კარგია როცა ბიჭი განათლებულია”, მაგრამ ხანდახან, ბოდიში მომითხოვია და წიგნებიდან თავის ამოყოფა და მიხედ-მოხედვაც არ უნდა დაგვავიწყდეს” – მიხეილ კაპანაძე

საქართველოს საბანკო ასოციაციის ღია ბანკინგის პროექტის დირექტორი, მიხეილ კაპანაძე, ექიმ არჩილ მარშანიას წერილს ეხმაურება:

პატივცემულ ექიმს ავიწყდება რომ ჩახუნაშვილების კვლევა მიმდინარეობდა სუსით გაჯერებულ გარემოში და ცოტა უფრო დიდი კვლევის ჩატარების მცდელობის გამო უბრალოდ დაიჭერდნენ (კომენტარებში იქით უტევს სხვებს, თქვენ გინდათ რომ დაიჭირონო?)

არა, კვლევის ჩატარებაზე კი არ დაიჭერდნენ ოფიციალურად, სამბოში ევროპის ჩემპიონის ცემას შესტენიდნენ, ან ყაზახური ჭიდაობის ბრინჯაოს პრიზიორისას (დადიან ხოლმე აქედან) და მაგაზე დაიჭერდნენ.

გგონიათ გაუჭირდებოდათ? გელა ხასაია კონსტანტინე ჩახუნაშვილის მესამედია ალბათ ზომებში და ვიღაცის მოტეხილი ხელი “ჩაუდეს”, თორნიკე თოშხუა და მინდია შერვაშიძე დანიანი ტიტუშკის განეიტრალების გამო იქით დაიჭირეს, ხოლო პატრულისთვის ჩაბარებული დანა კი “მოტეხეს” და ა.შ. – იციან ეგ მეთოდები. ეგ იციან თუ იციამ, აბა ახლა კიდევ კვლევები აკითხე და მონაცემთა ანალიზის სისწორე ამოწმებინე სუსის გამომძიებლებს რა.

როგორც იტყვიან, “კაცი იყოს, მუხლი მოიძებნება”. თუ მოუნდათ და გადაწყვიტეს, ამაღამვე დაიჭერენ რამე შეთითხნილი სისულელით, მე შენ გეტყვი და სასამართლო ცრუ მოწმეებს პანჩურით გამოყრის რა.

მოკლედ, “კარგია როცა ბიჭი განათლებულია”, მაგრამ ხანდახან, ბოდიში მომითხოვია და წიგნებიდან თავის ამოყოფა და მიხედ-მოხედვაც არ უნდა დაგვავიწყდეს.

სინამდვილეში უკვე მნიშვნელობა აღარ აქვს რა იკვლიეს ჩახუნაშვილებმა (კვლევის ავტორთა დიდი ნაწილის საოჯახო კავშირებიც მიუთითებს რომ ალბათ დიდად აფიშირებას ერიდებოდნენ) ან რა დაწერა ბიბისიმ: ხელისუფლების წარმომადგენელთა ისტერიკული რეაქცია მეტყველებს რომ რაღაც ისე არ არის და “ქურდს ქუდი ეწვის”, ძველი იგავ-არაკისა არ იყოს. რაღაც ცუდი მართლა არის მომხდარი და ეს გამოსაძიებელია.

სუსის ზემოაღნიშნული გამომძიებელი თავადაც “რეჟიმის ტყვე” რომ არ იყოს, ახლა “მოდულის” შენობის ერთ ოთახში გეკა უნდა იჯდეს და მეორეში გომელაური და პარალელურად უნდა კითხავდნენ ორივეს.

კი, კამიტზე ფილმში ეჭვი იყო და არა

მტკიცება. ჟურნალისტური გამოძიება რომ ნამდვილ გამოძიებას ანაცვლებდეს, უსამსახუროდ დარჩებოდა ის ზემოთორჯერუკვეაღნიშნული გამომძიებელი.

აი ეს დამაკლდა მე იმ სტატუსში, თორემ 61 ადამიანი კვლევის თანამედროვე სტანდარტებით რომ ცოტაა, გასაგებია.

ეგრე ცოცხი დიდი ალბათობით საერთოდ არ ეტევა ანალურ ხვრელში, მაგრამ განა პატიმრებს არ სცემდნენ და აწამებდნენ მაგ დროს ციხეში? ცოხხი თუ არა, პრეზერვატივიანი ხელკეტი ან კასტილებიანი მოძალადის ასო ხომ ეტეოდა? და ეს შეღავათი იყო რამენაირად? გასკდა ერთი ამბავი და მიჰყვა ჯაჭვი.

ზოგადად პროფესიული ჩაციკვლები ყველას გვახასიათებს, ამიტომ პროფესიული ანეკდოტით დავასრულებ:

– იმ ტიპს კომპიუტერში მნიშვნელოვანი ინფორმაცია აქვს, მილიონ დოლარიანი პროგრამის ლიცენზია გვჭირდება რომ გავტეხოთ!

– აჰა შენ 50 ლარი, ელიავაზე ჩადი, “მანტიროვკა” იყიდე და იმდენი ურტყი, სანამ პაროლს არ გეტყვის!