ბლოგერი, დათო.აბზიანიძე:
ქოცები ძალიან მოუმზადებლები შეხვდნენ BBC-ს გამოძიებას მოსახლეობის ქიმიური იარაღით დაწამვლაზე. იმდენად დაიბნენ და ისე აიხლართნენ ტყუილებში, რომ ბევრ ქოც ამომრჩეველსაც კი გაუჩინეს ეჭვი, ბატონი ბიძინა მართლა ქიმიურ იარაღს ხო არ იყენებს სირიიდან რუსეთში გაქცეული ბაშარ ალ-ასადივითო.
მათი მოუმზადებლობა კიდევ ერთხელ მარწმუნებს იმაში, რომ მთელი მათი სტრატეგიული კომუნიკაციების ღერძი რუსეთის სპეცსამსახურებისგან არის ნაკარნახები და ამ საქმის ადგილობრივი ექსპერტები არ ჰყავთ გამოუვალ მდგომარეობაში სწრაფი “მესიჯბოქსების” მოფიქრებისთვის.
არადა უბრალოდ ტრადიციულად შეეძლოთ ეთქვათ, რომ დიფ სთეითმა დაუკვეთა BBC-ს ეს სიუჟეტი და არანაირი მსგავსი ნივთიერება მათ არ გამოუყენებიათ. ეს ბადებს ძალიან საფუძვლიან ეჭვს, რომ “კამიტი” თუ არა, რაღაც საშინელება მართლა გამოიყენეს და ეს ინფორმაცია მართლა გაჟონილია შსს-დან. თან ნაცებმა ჩაგვიდეს 16 წლის წინო, თორე მართლა გვქონდა საწყობშიო, მაგის გადათქმაც ხო მოუწიათ მერე ზემოდან. მოკლედ, აიხლართნენ რა საშინლად.
ამიტომ ერთადერთი მაშველი რგოლი ახლა ქოცებისთვის არის, რაც შეიძლება მეტი “ექსპერტი ტოქსიკოლოგი ექიმის” პოვნა, რომლებიც თამამად განაცხადებენ, რომ ხანდახან ციანიდიანი წყლისა და სკლინტლიანი რძის ყლაპვა დიდად არაფერს ვნებს ჯანმრთელობას. ზოგი იმასაც დაახეთქებს, რომ პირიქით, უზმოზე ციანიდიანი მძ@ნერი აკაჟებს ორგანიზმს. “იმედის” დილის ეთერში მოწვევისთვის რას არ იზამ მეცნიერი კაცი…
უკვე ზოგიერთი “ბაბლის ექიმიც” გადმოსხეს “მძიმე არტილერიად”, უფრო “ორიგინალური” აზრებით, რომ თითქოს სამეცნიერო კვლევების კითხვაში ვერ ვერკვევით საზოგადოება და BBC-ც შეიძლება ცდებოდეს! — ესეთები განსაკუთრებით სჭირდებათ, “ჩვენიანი ექსპერტები”, რომ პროტესტის ნაკვერჩხალზე ბენზინის დასხმას შეუშალონ ხელი და არა ქოცი ამომრჩეველი, აი ჩვენნაირი რეჟიმთან დაპირისპირებული ხალხი დაგვამშვიდონ.
ვითომ ვერ ხვდებიან ეს “ქოციარვარ” ექსპერტები, რომ BBC-ს შეუმცდარობასა და სიწმინდეში კი არ ვართ აქ ხალხი დარწმუნებული, ქოცების ნდობა რომ არაფერში შეიძლება და მათი ბოლო დღეების უნიჭო თავის მართლებები კიდევ უფრო გვიღრმავებს ეჭვებს — ეგ კონტექსტია აქ ყველაზე მთავარი.
კომენტარები