“ხვალ დაკეტეთ სახლები და გამოდით ქუჩაში” – დოროთე ყურაშვილი

არქიმანდრიტი დოროთე რუსთაველის გამზირზე გამართული პანაშვიდის შემდეგ ქადაგებისას, ამბობს:

 “ჩვენ ხვალ ვალდებული ვართ, რომ გამოვხატოთ ჩვენი პროტესტი. გამოვხატოთ და ოცნებას ვუთხრათ – არა!, რუსეთს ვუთხრათ – არა! და ევროპას ვუთხრათ – კი! რადგან ამ ქვეყნის თავისუფლება მხოლოდ და მხოლოდ შესაძლებელია ევროატლანტიკური გზის მეშვეობით… ყველამ ხვალ უნდა გამოხატოს თავისი პროტესტი, ამიტომ მე მოვუწოდებ ჩვენს მოსახლეობას, ვისაც შეუძლია, დაკეტონ სახლები და გამოვიდნენ ქუჩაში, გამოხატონ თავიანთი პროტესტი… ყველას, ყველას ვისაც გაწუხებთ საქართველოს ბედი, ვისთვისაც მნიშვნელოვანია საქართველოს მომავალი, ნუ გაჩერდებით და არ იფიქროთ, რომ თქვენს საქმეს გააკეთებს სხვა. ასევე, პოლიტიკურ პარტიებს მოვუწოდებ, რომ გამოვიდნენ როგორც თითო კაცი, როგორც მამულიშვილები, შეუერთდნენ ხალხს და ხალხთან ერთად დადგნენ ამ მძიმე დღეებში. ხვალ იმედი მაქვს რომ ხალხის პროტესტი იქნება ისეთი გამოხატული, როგორიც გვაქვს შინაგანად ყველას… რუსეთისკენ მიაქანებენ საქართველოს და ჩვენ ვუთხრათ რუსეთს ჩვენი წინაპრის ეს უდიდესი ფრაზა: არასოდეს ცხოვრებაში.”

ხვალ, 19:00 საათზე, თსუ-ს I კორპუსიდან საპროტესტო მსვლელობა გაიმართება