CBS News აშშ-ის ოფიციალურ პირზე დაყრდნობით წერს, რომ უკრაინა ომის დასასრულებლად აშშ-ის მიერ წარდგენილ სამშვიდობო გეგმას დათანხმდა.
წყაროსვე ინფორმაციით, მოსაგვარებელია რამდენიმე მცირე დეტალი.
“უკრაინელები დათანხმდნენ სამშვიდობო შეთანხმებას. დარჩენილია ზოგიერთი მცირე დეტალი მოსაგვარებლად, მაგრამ ისინი სამშვიდობო შეთანხმებას დათანხმდნენ“, – განუცხადა წყარომ CBS News.
უნდა აღინიშნოს, რომ ჟენევაში გამართული მოლაპარაკებების შემდეგ ამერიკელმა ოფიციალურმა პირმა და უკრაინის ეროვნული უსაფრთხოების მრჩეველმა რუსტემ უმიეროვმა განაცხადეს, რომ წინადადებაზე მიღწეულია საერთო გაგება, თუმცა დეტალები ჯერ კიდევ დასამუშავებელია.
უმეროვმა ასევე დასძინა, არსებობს დიდი ალბათობა იმისა, რომ ნოემბრის ბოლომდე უკრაინის პრეზიდენტი ვოლოდიმირ ზელენსკი ვაშინგტონში ჩავიდეს შეთანხმების დასასრულებლად.
ამის პარალელურად, CBS News წყაროებზე დაყრდნობით ასევე წერს, რომ აშშ-ის არმიის მდივანმა დენ დრისკოლმა აბუ დაბიში რუსეთის ოფიციალურ პირებთან შეხვედრები გამართა.
“ჩვენ კვლავაც ძალიან ოპტიმისტურად ვართ განწყობილნი. მდივანი დრისკოლი ოპტიმისტურადაა. ვიმედოვნებთ, რომ მალე მივიღებთ პასუხს რუსებისგან. ეს სწრაფად მიდის”, – ციტირებს წყაროს CBS News.(ფორმულა)
კომენტარები