დონალდ ტრამპმა “ეპშტეინის ფაილების” გასაჯაროების კანონს ხელი მოაწერა. საკუთარი გადაწყვეტილების შესახებ ამერიკის პრეზიდენტმა “თრუს სოუშალის” ოფიციალურ გვერდზე დაწერა.
30 დღის ვადაში, იუსტიციის დეპარტამენტმა არასრულწლოვანების ტრეფიკინგსა და სექსუალურ ძალადობაში ბრალდებული ჯეფრი ეპშტეინთან დაკავშირებით საქმის “ყველა არაგასაიდუმლოებული ჩანაწერი, დოკუმენტები, შეტყობინებები და გამოძიების მასალები” უნდა გამოაქვეყნოს.
ამერიკულ უწყებებს ასევე დაევალათ, გაასაჯაროონ ჯეფრი ეპშტეინის სავარაუდო თვითმკვლელობის გარემოებებთან დაკავშირებული ინფორმაცია.
ეპშტეინი ციხეში 2019 წელს გარდაიცვალა. არსებობს ვერსია, რომ ის ქვეყნის ძალოვან სტრუქტურებსა და მათ წევრებზე იმდენად დიდ ინფორმაციას ფლობდა, რომ ის მოკლეს.
კომენტარები