“შეურაცხგვყვეს” – “გეკას” უწყებამ 13 პირი დააკავა – რას ამტკიცებს უწყება?

შსს-მ დღეს პროტესტის 13 მონაწილე დააკავა, განცხადებას უწყება ავრცელებს:

“შინაგან საქმეთა სამინისტროს თანამშრომლებმა, 19 ნოემბერს, საქართველოს ადმინისტრაციულ სამართალდარღვევათა კოდექსის შესაბამისად აქციის 13 მონაწილე დააკავეს.

დაკავებული პირები არ დაემორჩილნენ პოლიციელთა კანონიერ მოთხოვნას და სიტყვიერი შეურაცხყოფა მიაყენეს სამართალდამცავი ორგანოს წარმომადგენლებს სამსახურებრივი მოვალეობის შესრულების დროს.

მოვუწოდებთ მოქალაქეებს, თავი შეიკავონ კანონსაწინააღმდეგო ქმედების განხორციელებისგან, წინააღმდეგ შემთხვევაში, საქართველოს შინაგან საქმეთა სამინისტრო იმოქმედებს კანონით მისთვის მინიჭებული მანდატის ფარგლებში, მოახდენს ყველა სამართალდამრღვევი პირის იდენტიფიცირებას და მათ მიმართ გაატარებს კანონით განსაზღვრულ შესაბამის ზომებს”, –  წერს შსს

კონკრეტულად რა სახის სიტყვიერ შეურაცხყოფას ედავებიან დაკავებულებს, უწყება არ წერს.

ამ დროისთვის არ გავრცელებულა ირაკლი დგებუაძის, როგორც შეურაცხყოფის ექსპერტის განცხადება.