“ფიფიასთან ლომგულობთ და ამ ფეხბურთის ფედერაციასთან გული უკანალში რატომ გივარდებათ?” – ლევან ჯავახიშვილი

ჟურნალისტი, ლევან ჯავახიშვილი:

თბილისის “დინამო” საერთაშირისო თამაშებს სამარცხვინოდ რომ აგებდა, “დინამოს”, ქართული ფეხბურთის გულშემატკივრები, კატეგორიულად მოითხოვდნენ, კლუბის მფლობელს, რომან ფიფიას კლუბი გაეყიდა და სხვისთვის მიეყიდა, ვინც მასზე მეტ ფულს ჩასდებდა გუნდი განვითარებისთვის. ფიფიას კატეგორიულად სთხოვდნენ მისი საკუთრების, “დიმამოს” გაყიდვას. კი, ახალი არაფერია, უცხოეთში ბევრი მსგავსი გვინახავს, მაგრამ იმ უცხოეთში, როცა ეროვნული ნაკრები კატასტროფულად თამაშობს, მწვრთნელის შეცვლას აზრი ეკარგება, ქომაგებს მაშინაც ადეკვატური რეაქცია აქვთ-ფეხბურთის ფედერაციის ხელმძღვანელობის გადადგომას და ახალი არჩევნების ჩატარებას ითხოვენ.
ბიჯო, რომან ფიფიასგან “დინამოს” გაყიდვას რომ ითხოვდით ქართულ ფეხბურთზე გულდამწვარი ხალხი, ერთი გამოდით და ლევან კობიაშვილის გადადგომა და ახალი არჩევნების ჩატარება მოითხოვეთ, ფედერაციის ყველა პასუხისმგებელი პირის გადადგომა მოითხოვეთ. თუ მოთხოვნის ლეგიტიმაცია-კანონიერებაზე მიდგა საქმე, ეს უფრო ლეგიტიმურია-“დინამო” კერძო სტრუქტურაა და ბიუჯეტიდან არ ფინანსდება, ფედერაცია კი არასამთავრობო ორგანიზაციაა და ყოველწლიურად მილიონებს იღებს ბიუჯეტიდან, თითოეული დასაქმებული ქომაგის ბიუჯეტში გადახდილი ფულიდან. ფედერაციის მუშაობის კონტროლი ზუსტად რომ ქომაგების საქმეა.
რა ვიცი, ფიფიასთან ლომგულობთ და ამ ფეხბურთის ფედერაციაზე როცა მიდგება საქმე, ის გული უკანალში რატომ გივარდებათ? და როდემდე უნდა იყვნენ? 10 წელია ფედერაციას მართავენ და თუ რამე სასიკეთო გააკეთეს, მადლობა ვუთხრათ და გავუშვათ, რადგან გაუკეთებელი და გაფუჭებული საქმეები უფრო მეტია. რა, თქვენ არ იცით, რა ხდება ფედერაციაში? სხვას ჯერ თავი დავანებოთ, ნეპოტიზმი ჩვევად რომ იქცა, ეს არ იცით? ფედერაციის სათავეებთან ისეთი ხალხი რომ არის, რომელთაც კანონით, სპორტში საქმიანობა ეკრძალებათ, ეგ არ იცით? იცით, ჩემზე მეტი იცით ბევრმა, მაგრამ ხმის ამომღები არა ხართ უმეტესობა.
კორუფცია (ჩაწყობილი თამაშები და სხვ.) კიდევ ცალკე, მაგრამ მაგას გამოძიება და ფაქტების დადება უნდა. იმედია, ეგ ფაქტებიც დაიდება. ისეთები ხდება ქვეყანაში, ლევან კობიაშვილი ვინ არის?