ქართული ოცნების მთავრობის, შს მინისტრის სანქცირებულმა მოადგილემ, ალექსანდრე დარახველიძე თვლის, რომ საქართველოში ავარიებს უნდა ებრძოლონ ჯარიმებით და არა მაგალითად, აღსრულებით, ან კონტროლით, ან პრევენციით. უცნაურია, მაგრამ ოცნების შსს ასევე თვლის, რომ ავარიების მიზეზი, ბევრი ავტომანქანაა ქვეყანაში. ცოტა რომ იყოს, არ მოხდება ამდენი ავარია, თვლიან. სულ არ იყო მანქანა, ავტოავარია საერთოდ აღარ მოხდება, ამ პრინციპით. მხოლოდ შსს–მ წელს 20 მილიონის მანქანები ერთხელ იყიდა, 18 მილიონის – მეორედ და წელი ჯერ არ დასრულებულა.
კომენტარებში დაწერეთ, შს მინისტრი, ზედმეტსახელით “გეკა”, ბოლოს როდის ნახეთ მეტროში და რომელ სადგურზე?
პარლამენტმა საკანონმდებლო ცვლილებების განხილვა დაიწყო, რომლის ამოქმედების შედეგად, მძღოლებისთვის საგზაო წესების დარღვევაზე პასუხისმგებლობა მკაცრდება და დაწესებული ჯარიმები იზრდება.
შს სამინისტროს მიერ შემუშავებული საკანონმდებლო ცვლილებათა პაკეტის თანახმად:
- 100 ლარამდე იზრდება ჯარიმა სატრანსპორტო საშუალების გზაზე მანევრირების წესების დარღვევისთვის. ამავდროულად, ამ სამართალდარღვევისთვის მართვის მოწმობისთვის მინიჭებული ქულათა რაოდენობა 20 ქულით შემცირდება;
- 50-დან 100 ლარამდე იზრდება სანქცია 15 კმ/სთ-ზე მეტი, მაგრამ არაუმეტეს 40 კმ/სთ-ის სიჩქარის გადაჭარბებისთვის;
- 50 ლარამდე იზრდება სანქცია ავტომობილით მოძრაობისას მძღოლის ან მგზავრის მიერ უსაფრთხოების ღვედის გამოუყენებლობისთვის. ამავდროულად, ამ სამართალდარღვევისთვის მართვის მოწმობისთვის მინიჭებული ქულათა რაოდენობა 10 ქულით შემცირდება.
- 50 ლარამდე იზრდება სანქცია ავტომობილის მართვის დროს მძღოლის მიერ მობილურით სარგებლობისთვის.
- დგომა-გაჩერების წესების დარღვევისთვის თბილისის მსგავსად, 50 ლარამდე იზრდება ჯარიმის ოდენობა ქუთაისის, ბათუმის, მცხეთის, რუსთავის, გორის, თელავის, ფოთის, ზუგდიდის მუნიციპალიტეტებში და საქართველოს კურორტებზე.
- დამატებით პასუხისმგებლობა დგინდება “BUS LANE“-ზე სამარშრუტო სატრანსპორტო საშუალების გარდა, სხვა სატრანსპორტო საშუალების მოძრაობის საპირისპირო მიმართულებით მოძრაობისთვის, რაც გამოიწვევს დაჯარიმებას 200 ლარის ოდენობით.
- გარდა ამისა, ახალ სამართალდარღვევად განისაზღვრება სატრანსპორტო საშუალების ტროტუარზე ან ქვეითთა გადასასვლელზე დგომა-გაჩერება, რაც გამოიწვევს დაჯარიმებას 100 ლარის ოდენობით. ამავდროულად, ამ სამართალდარღვევის ჩადენის შემთხვევაში, კანონით განსაზღვრული პირობების არსებობისას, სატრანსპორტო საშუალება სპეციალურ დაცულ სადგომზე გადაყვანას დაექვემდებარება.
კომენტარები