უკრაინა, რუსეთისგან თავდასაცავად, მომდევნო 10 წლის განმავლობაში 100-მდე ფრანგული წარმოების Rafale-ის საბრძოლო თვითმფრინავს მიიღებს. ამის შესახებ ორმა მხარემ შეთანხმებას ხელი გუშინ მოაწერა.
უკრაინის პრეზიდენტის, ვოლოდიმირ ზელენსკის და მისი ფრანგი კოლეგის, ემანუელ მაკრონის მიერ ხელმოწერილ შეთანხმებაში საჰაერო თავდაცვის სისტემები, საბრძოლო მასალა და დრონებიც შედის.
ეს იქნება უდიდესი საჰაერო თავდაცვა, ერთ-ერთი უდიდესი მსოფლიოში,” – განუცხადა ზელენსკიმ ჟურნალისტებს საფრანგეთის სამხედრო აეროპორტში გამართულ ღონისძიებაზე.
ემანუელ მაკრონის განცხადებით, მიზანი იყო მოკლევადიან პერსპექტივაში უკრაინის დახმარება დრონებით და სხვა აღჭურვილობით, ასევე, გრძელვადიან პერსპექტივაში, რათა მას საშუალება მიეცეს, წინააღმდეგობა გაუწიოს ნებისმიერ ახალ თავდასხმას სამშვიდობო შეთანხმების მიღწევის შემდეგ.
ეს არის ის, რაც საჭიროა უკრაინის სამხედრო ძალების რეგენერაციისთვის,” – განაცხადა მაკრონმა.
საფრანგეთმა განმარტა, რომ შეთანხმება ახალ მასალებს მოიცავს და არა ფრანგულ მარაგებს.
შეთანხმების დადება მოჰყვა ბოლო კვირების განმავლობაში უკრაინაზე რუსული დრონებითა და რაკეტებით თავდასხმების ზრდას და მოსკოვის მიერ სამხრეთ-აღმოსავლეთ ზაპოროჟიეს რეგიონში სახმელეთო წინსვლის შესახებ გავრცელებულ ინფორმაციას.
კომენტარები