,, ივანიშვილმა რომ გაიგო ეს ყველაფერი, უშუალოდ ბიძინა ივანიშვილმა მისცა უსაფრთხოების გარანტია რიჟვაძეს” – თამაზ ბაკურაძე

უფლებადამცველი თამაზ ბაკურაძე თორნიკე რიჟვაძის შესახებ ,,ფორმულასთან” აცხადებს:

,,ყველაფერი დაიწყო მას შემდეგ, რაც თორნიკე რიჟვაძემ გარკვეული ინფორმაცია მიიტანა ივანიშვილთან გომელაური, ლილუაშვილი, ღარიბაშვილთან დაკავშირებით. ეს იყო კორუფციული სქემა, რომელიც ერთად ჰქონდათ შემუშავებული ღარიბაშვილს, გომელაურს და ლილუაშვილს. თორნიკე რიჟვაძეს თანამშრომლობა შესთავაზეს და თორნიკე რიჟვაძემ პირველი რაც გააკეთა, ჩავიდა და ივანიშვილს ეს ამბავი ჩაუტანა. ივანიშვილმა მწვანე შუქი აუნთო თორნიკე რიჟვაძეს – ჩათვალე, რომ ჩვენი საუბარი არ შემდგარა, მიჰყევი დინებას და ჩამომიტანე ეს სქემა რა და როგორო. არ მომხდარა თვითმკვლელობა [მცდელობა], სხვა რამე მოხდა. არ იყო მარტო მამამისი. [საგარეჯოში] იყო მისი ცოლისძმა და კიდევ ერთი კრიმინალური ავტორიტეტი.

თორნიკე რიჟვაძემ უარი განუცხადა თანხის მიტანაზე ყულაბაში. აქ არის საუბარი წილებსა და ფინანსებზე, რომელიც პარტიის ყულაბაში უნდა წასულიყო… როცა ბიძინა ივანიშვილმა გაიგო ეს ამბავი, რომ საქმის გარჩევას ესწრებოდა კრიმინალური ავტორიტეტი, საკმაოდ მკაცრი გაფრთხილება და შენიშვნა მისცა ქართული ოცნების ხელმძღვანელობას, რომ ეს როგორ მოხდაო და დაუყოვნებლივ აკრძალეთ მსგავსი რაღაცებიო… თუ მანამდე ის კრიმინალური ავტორიტეტი ბედავდა და ვინმესთან რამეს არკვევდა, ახლა ეს უფლება მას გამორთმეული აქვს… ბიძინა ივანიშვილმა რომ გაიგო ეს ყველაფერი, უშუალოდ ბიძინა ივანიშვილმა მისცა უსაფრთხოების გარანტია. არ უშვებდნენ რიჟვაძეს საზღვარგარეთ” (მთავარი)