ძლიერმა შტორმმა „კლაუდიამ“ პორტუგალია, ესპანეთი, დიდ ბრიტანეთი და ირლანდია დააზარალა. პორტუგალიაში სამი ადამიანი დაიღუპა და ათობით დაშავდა, ხოლო დიდ ბრიტანეთში წყალდიდობების გამო მოსახლეობის ევაკუაცია გახდა საჭირო.
ფერნაუ-ფერუში მაშველებმა დატბორილ სახლში მოხუცი წყვილის ცხედრები იპოვეს – ვარაუდობენ, რომ ისინი ძილის დროს დაიღუპნენ. ალგარვეში ტორნადომ კემპინგის ქარავნები გაანადგურა, რის შედეგადაც 85 წლის ბრიტანელი ქალი დაიღუპა. სასტუმროში 28 ადამიანი დაშავდა, ორს მძიმე დაზიანებები აქვს.
პორტუგალიის მეტეოროლოგიურმა სამსახურმა ალგარვესა და რამდენიმე რეგიონში საფრთხის „ყვითელი“ დონე გამოაცხადა.
კომენტარები