“ზურაბ ადეიშვილი ბუნდესტაგის საპატიო ლოჟაში იჯდა” – პაპუაშვილი თვლის, რომ გერმანია გახარიას არ გადმოსცემს საქართველოს

შალვა პაპუაშვილმა, მისივე გუნდის ყოფილ პრემიერზე, გიორგი გახარიაზე საუბრისას, განაცხადა:

იცით, რომ გიორგი გახარიას წინასწარი პატიმრობა შეეფარდა, დანარჩენი პროკურატურის პროცედურებია. მე მისი [გადმოცემის] დიდი იმედი არ მაქვს. იმ პირობებში, როცა ზურაბ ადეიშვილი ბუნდესტაგის საპატიო ლოჟაში იჯდა, დავით კეზერაშვილი ევროკავშირის ტერიტორიაზე თავისუფლად გადაადგილდება და თავის დროზე, მიხეილ სააკაშვილი, მსჯავრდებული ადამიანი თავისუფლად გადაადგილდებოდა, მათ შორის გერმანიაში, რა თქმა უნდა, იმედი ნაკლებია, რომ კანონის უზენაესობას პატივს სცემენ და მას ქართულ მართლმსაჯულებას გადასცემენ. თუმცა, ვნახოთ.