შიმშილობის მე-12 დღის ათვლა დაიწყეს დღეს საქართველოს პარლამენტთან – ამ დრომდე საკვების მიღებაზე რვა მოქალაქე ამბობს უარს. შვიდი მათგანი რუსთაველზე, ხოლო ერთი იზოლატორში შიმშილობს. ამ ფორმით მოქალაქეები ითხოვენ ახალი არჩევნების ჩანიშვნას და ყველა პოლიტიკური და სინდისის პატიმრის გათავისუფლებას.
ევროპული მომავლისთვის მებრძოლი მოქალაქეები აცხადებენ, რომ უკან არ დაიხევენ და ბოლომდე იბრძოლებენ.
“ნორმალურად ვგრძნობთ თავს, ბრძოლისუნარიანი ვართ. უკან დამხევები არ ვართ, რადგან უკან არაფერია ხრამის გარდა, ამიტომ უნდა ვიბრძოლოთ ბოლომდე, სანამ სული გვიდგას პირში, ეს გარდაუვალი პროცესია. უნდა გავერთიანდეთ, სხვა გამოსავალი ჩვენ არ გვაქვს”, – ამბობს დარეკან ხუნწარია.
კომენტარები