სახელმწიფო უსაფრთხოების სამსახურმა, რომელმაც “ტვ იმედის” გათიშვის საქმის გამოძიება თავის თავზე აიღო, განცხადება გაავრცელა:
ტელეკომპანია “იმედის” და ჰოლდინგში შემავალი არხების – “მაესტროსა” და “ჯიდიესის” მაუწყებლობის შეწყვეტასთან დაკავშირებით გამოძიებით დგინდება, რომ ადგილი ჰქონდა ტექნიკურ ხარვეზს ტელეკომპანიის შიდა ერთ-ერთ ელექტრომოწყობილობაზე, რის გამოც მაუწყებლობა 45 წუთის განმავლობაში გაითიშა.გამოძიების მასალების მიხედვით დანაშაულებრივი ფაქტი არ დასტურდება.შესაბამისად, ანალოგიური საბოლოო საექსპერტო დასკვნის მიღების შემთხვევაში, სისხლის სამართლის საქმეზე გამოძიება შეწყდება.
ცნობისთვის, „ტელეკომპანია „იმედის“ მომართვის საფუძველზე, სახელმწიფო უსაფრთხოების სამსახურმა გამოძიება საბოტაჟის მუხლით დაიწყო… მიმდინარეობს შესაბამისი საგამოძიებო მოქმედებები“, – ეწერა სუსის განცხადებაში.სისხლის სამართლის კოდექსის მიხედვით, საბოტაჟი ასე განიმარტება: „საქართველოს დასუსტების მიზნით სახელმწიფო ან სხვა საწარმოს, დაწესებულების, ორგანიზაციის ან სამსახურის ნორმალური ფუნქციონირებისათვის ხელის შეშლა“. ამისთვის ორიდან ოთხ წლამდე პატიმრობაა გათვალისწინებული.
რატომ ჩათვალა სუსმა, რომ ტელეკომპანია “იმედის” გათიშვით საბოტაჟი მოხდება სახელმწიფო სამსახურების ფუნქციონირება მოიშლება და რატომ არ ანდო ამ საქმის გამოძიება “გეკას” უწყებას, ანუ შსს – ს უცნობია.
ამ ეტაპისთვის, ცნობილი მხოლოდ ისაა, რომ სახელმწიფო უსაფრთხოების სამსახური, დაკავებული იყო, კერძო კომპანიის ელექტრომოწყობილობების შემოწმებით და ამაში, ფულს ჩვენ ვუხდით, ხალხი, ბიუჯეტიდან.
„ტელეიმედის“ ჰოლდინგში შემავალი ტელევიზიების მაუწყებლობა დაახლოებით 45 წუთის განმავლობაში შეწყვეტილი იყო. „იმედმა“ განაცხადა, რომ „ტელეკომპანია არ გამორიცხავს, რომ ადგილი ჰქონდეს არხის წინააღმდეგ მიმართულ დანაშაულებრივ აქტს“.
კომენტარები