“ემპათია არ მაქვს, ექიმსაც ვერ დავარქმევ, კოლეგიალობის და თანადგომის არ მჯერა…” – ნინო ნადირაძე გიორგი ჩახუნაშვილზე

კლინიკა „ვივამედის“ გენერალური დირექტორი, ნინო ნადირაძე, ექიმ გიორგი ჩახუნაშვილის დაკავებას არა, მის დაკავებაზე საზოგადოების დიდი ნაწილის, მათ შორის სამედიცინო სფეროს წარმომადგენლების რეაქციას გამოეხმაურა ტვ იმედთან და თქცა:

“არ მჯერა, რომ კოლეგიალურობის  თვალსაზრისით იყო ეს გაჩაღებული, ეს ასევე იყო პოლიტიკური. რატომ ვიძახი რომ არ მჯერა თანადგომის, ეს თემის ასაგორებლად მშვენივრად გამოდგებოდა, ექიმის დაჭერა არ შეიძლება და ა.შ. მე რატომ მიჭერდნენ?

სამი წელი სულ მიჭერდა ეგ და მაგის ცოლი, “ტვ პირველზე” და სადაც წაეწეოდა, ეს კაცი ყველგან ეთერში იყო და ყველგან ჩემი კლინიკის თანამშრომლებს მარხავდა ცოცხლად, რომ დასაჭერები ვიყავით, მკვლელები და მოსაკლავები ვიყავით. ჩვენ, 600-კაციანი კოლექტივი დასაჭერები ვიყავით და თვითონ რომ შეეხო, იქ ატყდა ერთი ამბავი და იქ, ერთი-ორი სასიქადულო ექიმი ვინც იყო, რომელიც ასევე ისეთ გაუმართლებელ თავდასხმას აწარმოებდა ჩემზე, როცა მიშა “კვდებოდა” და მე მკვლელი და მენგელე ვიყავი. ამიტომ, მე არანაირი ემპათიის განცდა, ამ კაცის მიმართ არ მაქვს, ექიმს ვერ დავარქმევ, იმიტომ რომ ისეთი შეურაცხყოფების კასკადი, თან ავადმყოფური ფანტაზიები იყო.”