ჟურნალისტი ნინო ჯანგირაშვილი სოციალურ ქსელში წერს:
,,არცერთი ციფრი 4 ოქტომბრის არჩევნებთან დაკავშირებით პირადად ჩემთვის საინტერესო და სარწმუნო არ არის. მხოლოდ ის აღმაფრთოვანებს, რომ ქოცნებამ 81.7 % აიღო საქართველოს მასშტაბით. ეს პროცენტი ძალიან მომწონს, როგორც ქოცნების “მგლის ბილეთი“ დემოკრატიულ სამყაროში და მისი თუნდაც მცირედი აღიარების პერსპექტივის ჩამკეტი.
აქტივობაზე საუბარი საერთოდ სასაცილოა, იმიტომ რომ ოცნებამ ჯერ კიდევ 2024 წელს დაწერა ის რაც უნდოდა, როცა ჯერ კიდევ დიდი დაკვირვების ქვეშ იყო და 2025–ში საერთოდ რაც უნდა იმას დაწერდა, ვინ შეუშლიდა ხელს?
თუმცა, ამ ყველაფრის მიუხედავად ძალიან საინტერესოა თბილისის მონაცემები. თბილისში ტოტალური გაყალბება მაინც რთულია. ვივარაუდოთ, რომ ნაწილობრივ გააყალბეს. ამის მიუხედავად, თბილისის მონაცემებით, როგორც აქტივობით, ისე პარტიების მიერ მიღებული შედეგებით ცხადად გამოჩნდა, რომ თბილისმა მაინც უარი უთხრა არა მხოლოდ ოცნებას, არამედ ლელოს და გახარიასაც. თბილისში რეალური ბოიკოტი შედგა.
ციფრები:
აქტივობა თბილისში 2025 წელს – 31.08% – 324 281 მისული ამომრჩეველი
აქტივობა თბილისში 2024 წელს – 60.11% – 626 577 მისული ამომრჩეველი
თბილისში წელს 302 000 ამომრჩევლით ნაკლები მივიდა, ვიდრე ერთი წლის წინ.
დრამატული შედეგი დადეს თბილისში ლელომ და გახარიამ:
ლელომ 2024 წელს თბილისში აიღო 77 000 ხმა
2025 წელს – 30 000
გახარიამ 2024 წელს თბილისში აიღო 70 000 ხმა
2025 წელს – 9600
კლება ქონოდა ქოცნებასაც:
2024 წელს ქოცნებამ თბილისში აიღო 263 000 ხმა
2025 წელს – 212 000 ხმა
ოპოზიციამ ჯამში 2025 წელს აიღო 90 000 ხმა (ანუ ყველანაირმა ოპოზიციამ, იაგოიან ალტინფოიან ლელოიან გახარიიანად)
ქოცნებამ და ოპოზიციამ ერთად ჯამში 302 000 ხმა.
ანუ 324 000 მისული ამომრჩევლიდან 22 000–ის ბიულეტენი არ ჩაითვალა. არ ვიცი ყველა გადახაზეს თუ რატომ.
საინტერესო ციფრებია“
კომენტარები