“ივანიშვილის უახლოესი ადამიანი ქვეყნიდანაა გაქცეული” – რას ჰყვება გიორგი მუხიგულაშვილი

ემიგრანტი, სამოქალაქო აქტივისტი, გიორგი მუხიგულაშვილი, ფორმულასთან ამბობს:

რა გუნდი? წინა გუნდი იყო და თითქმის ბიძინას გაუტოლდა მაგათი ბიუჯეტიდან მოპარული ფული და ახლანდელი გუნდია და აგერ რამოდენიმე ადამიანი საზღვარგარეთ წავიდა, ბიძინა ივანიშვილის უახლოესი ადამიანი, შმაგი კობახიძე ქვეყნიდანაა გაქცეული და საკუთარი თავის გადარჩენაზე ფიქრობს, ვინ ჩაყვება ბიძინა ივანიშვილს? საკუთარი პინგვინებიც არ ჩაყვებიან. ეს ადამიანი, ივანიშვილი, მუდმივად საფრთხის ქვეშაა, განა ოპოზიციისგან, თავისი გუნდის წევრებისგანაა ყველაზე დიდ საფრთხეში. საბჭოური პროპაგანდით ცდილობს ტვინები გამოურეცხოს ადამიანებს. აღმოჩნდა, რომ თურმე, ჭიუათურის მაღაროებში მუშებს არ უმატებენ ხელფასებს და ეს ფული მოდის ტელევიზიებში (იმედი, პოსტვ) და იქ ისხმება, ჭიათურის მაღაროებში არაერთი ადამიანი დაღუპული და სხვისი სიკვდილით ნაშოვნი ფული, დღეს ტვინის გამორეცხვებში მიედინება. ქართველ ხალხს მეტი რა უნდა უთხრა, რომ 4 ოქტომბერს გამოვიდნენ?

ბიძინა ივანიშვილის გულისთვის არავინ შეაკლავს თავს, იმდენი ფული აქვთ ნაშოვნი. თუ გადატრიალდება ხელისუფლება, შმაგი კობახიძეს ეგ საერთოდ არ აინტერესებს, მთავარია ის ფული შერჩება და უცხოეთში  ყოფნა. მსგავსად ფიქრობს ქართული ოცნების წევრების და ბიძინას გარემოცვის 99 პროცენტი. საერთოდ არ აინტერესებთ ბიძინა ივანიშვილი, როგორც ბიძინა ივანიშვილს არ აინტერესებს ისინი და მისთვის ისინი არიან ერთჯერადი გამოყენების საგნები.

ბიძინა იმდენად მშიშარა ადამიანია, მიუხედავად იმისა, რომ სუსი და შსს მისი საკუთრებაა, დადიოდა შუშის ბრონირებული კედლით. როგორც კი ხალხის ძალას დაინახავს, კობახიძეზე გადატეხავს ყველაფერს, ყველაფერს მას გადააბრალებს, მთელ სისულელეებს და შეეცდება თავი გამოიძვრინოს, ნებისმიერ ადამიანს გაწირავს, მინისტრებს, პოლიციელებს, პარლამენტარებს, თავისი პინგვინის გარდა ყველას გაწირავს, ის ცხოველები გაცილებით ძვირფასია მისთვის, ვიდრე ირაკლი კობახიძე.