ცოტა ხნის წინ, ტელეკომპანია ფორმულამ გაავრცელა ინფორმაცია, რომ ქარელის მუნიციპალიტეტის სოფელ თამარაშენიდან რუსეთის საოკუპაციო ძალებმა 4 ბავშვი გაიტაცეს.
ერთ-ერთი გატაცებულის მამა ბესო სიდამონიძე ამბობს, რომ გატაცებულთა ასაკი 10 წელს არ აღემატება.
უცნობია, როგორ მოხდა, რომ მედიამ დაასწრო მსგავსი ინფორმაციის გავრცელება სახელმწიფო უსაფრთხოების სამსახურს, ეს პირველ რიგში, სწორედ მისი მოვალეობაა!
უცნობია, რამდენად სწორია ინფორმაცია გატაცებულთა შესახებ, მართლა ოთხია, თუ მეტი? იქნებ, ნაკლები?
უცნობია ოთხივე ბავშვის ზუსტი ასაკი.
უცნობია გატაცებაში რამდენი პირი მონაწილეობდა, გატაცების ზუსტი დრო, უცნობია, მათ გამოსახსნელად რა სახის ნაბიჯები გადაიდგა და საერთოდ გადაიდგა, თუ არა.
უცნობია, ამ წამს, იმ სოფელში, საიდანაც მოხდა გატაცება, ჩასულია თუა არა, ვინმე, რამდენიმე ადამიანი მაინც, რომელიმე ძალოვანი უწყებიდან მაინც.
რას ამბობს სუსი? – ა რ ა ფ ე რ ს!
სუსის საიტსა და სოც. ქსელში ბოლო განცხადებად იძებნება ის, სუსის უფროსმა, მამუკა მდინარაძემ, დაზვერვის სააგენტოს თანამშრომლებს სააგენტოს ახალი ხელმძღვანელი ვლადიმერ კონსტანტინიდი როგორ წარუდგინა და როგორ გაამახვილა ყურადღება “თვისობრივ გაძლიერებაზე”, ოღონდ, კითხვა რომ დავსვათ რას მოიაზრებს “თვისობრივი გაძლიერება”, არავინ იცის, გვიპასუხებენ, თუ არა და რას გვიპასუხებენ.
წესით, სუსმა ჩვენზე უკეთ იცოდეს, რომ ინფორმაციის დამალვა და საზოგადოების დროულად არ ინფორმირებაა სწორედ პანიკის მთავარი წყარო.
დღეს, 2025 წლის, 27 სექტემბერს, მხოლოდ ის ვიცით, ამ ეტაპზე, რომ მედიამ დაასწრო სუსს ინფორმაციის გავრცელება ოკუპანტების მიერ ბავშვების გატაცებაზე და სუსის ოფიციალურ გვერდებზე კი, არანაირი ინფორმაცია ამ წუთამდე, ინფორმაციის გავრცელების მერეც კი არ არ იძებნება!
მასალის განახლება:
რამდენიმე წუთის წინ, “ფორმულამ” გაავრცელა ინფორმაცია, რომ სუსმა მათ კითხვას უპასუხა და თქვა:”ბავშვები ჩვენთან და უსაფრთხოდ არიან”.
განცხადება სუსს ამ წუთამდე არ გაუვრეცელებია და რაც გატაცების, არც ბავშვების დაბრუნების დეტალებზე ისევ არაა საზოგადოება და მედია ინფორმირებული, ისევე, როგორც უცნობია, რატომ არ დაუბრუნდნენ ბავშვები ოჯახებს და იმედია, არ გადაწყვიტეს, რომ ისინი კანონიერი წარმომადგენლების გარეშე დაკითხონ?!
კომენტარები