ფოტო – ტვ პირველი
სამირა ბაირამოვას ინფორმაციით, მარნეულში არასრულწლოვანი ბიჭის ტერორში პოლიცია, “ქურდული სამყარო” და თვითმმართველობის წარმომადგენლები იყვნენ ჩართული.
ტვ პირველის ცნობით, პირ-ფუნთუშეულის მაღაზიის მოლარის სახლში, ერთდროულად შევარდნენ სამირა ბაირამოვას მიერ დასახელებული პირები და ხელმოწერას აიძულებდნდნ დოკუმენტზე, რის საფუძველზეც საკრებულოს თავმჯდომარის მოადგილის, რიჩარდ გიგანის შვილი, მამუკა გიგანი, რომელმაც რამდენიმე დღის წინ მოზარდი სცემა, გირაოს სანაცვლოდ გათავსუფლებულიყო.
დღეს ჩვენს ქვეყანაში, სამწუხაროდ, პოლიციელები გახდნენ ამ სისტემის ჩვეულებრივი მონები. მივიდაპოლიციის თანამშრომელი, ილაპარაკა, აუხსნა ადამიანს რა უნდა გააკეთოს, აიძულა ამ ბავშვს და მის ოჯახის წევრებს, რომ ხელი უნდა მოაწეროს, თორემ მათთვის იქნებოდა პრობლემა. მარტო პოლიციელი კი არა ქურდული სამყაროც ჩართო და ადგილობრივი თვითმმართველობის წარმომადგენლები რიჩარდ გიგანის თამადობით, ერთად მივიდნენ, შევარდნენ ამ ოჯახში. აჩვენეს მთლიან ეთნიკურ უმცირესობებს, რომ შენ აქ ხარ მეორეხარისხოვანი და ყოველთვის ვიძალადებთ შენზე, დაგამცირებთ და არანაირი უფლება შენ არ გაგაჩნია, სასამართლო ჩვენია, ეს ქვეყანა ჩვენი არის”, – განაცხადა სამირა ბაირამოვამ.
შეგახსენებთ, რომ მარნეულის საკრებულოს თავმჯდომარის მოადგილის შვილი, ბრალდების მიხედვით, 17 წლის ბიჭს ეთნიკური ნიადაგით სცემდა – მიზეზად მას ქართული ენის ცოდნა დაუწუნეს.
მანამდე, დაზარალებული ბავშვის დედამ განაცხადა, რომ პოლიციამ მუქარის ქვეშ მისი ჩვენება შეცვალა. ქალს დააწერინეს, თითქოს არანაირი პრეტენზია არ აქვს „ქართული ოცნების“ მაღალჩინოსნის შვილთან.
კომენტარები