ნაციონალური მოძრაობის ერთ–ერთმა ლიდერმა, ლევან ხაბეიშვილმა, რომელიც ცოტა ხნის წინ, ტელეკომპანია ფორმულას შესასვლელთან დააკავეს, სანამ დაკავების განჩინებას გააცნობდნენ, მიუხედავად იმისა, რომ სავარაუდოდ, სუსის თანამშრომლები, მას საუბარს უკრძალავდნენ, მოასწრო შემდეგის თქმა:
მეგობრებო, უნდა გესმოდეთ, რომ ეშინიათ… სუსს, მდინარაძეს რა დავალებაც ჰქონდა, ასრულებს, არაფრის შეგეშინდეთ, იმიტომ რომ ძალა არის ქართველ ხალხში, ნურაფრის შეგეშინდებათ. მე ამის მოლოდინი მქონდა. მაკავებენ იმიტომ, რომ თურმე, ერთ ადამიანს, ხაბეიშვილს შეუძლია ივანიშვილის დამარცხება. თქვენ შეგიძლიათ დაამარცხოთ ივანიშვილი. თქვენ შეგიძლიათ დაამარცხოთ ეს რეჟიმი.
ცნობისთვის, დაკავებამდე რამდენიმე დღით ადრე, ხაბეიშვილმა ფორმულას ეთერში თქვა, რომ ივანიშვილის გეგმით, გადაყენებას უპირებენ კობახიძეს, ხოლო მდინარაძე “ჭორიკანა და ასინეთაა”, რომელსაც კონკრეტული დავალებები მისცა ივანიშვილმა.
კომენტარები