“ფედერალისტების” შეთავაზება “ლელოს”

“ფედერალისტების” ლიდერმა, თამარ ჩერგოლეიშვილმა სპეციალურ ბრიფინგზე ლელოს მიმართა და განაცხადა.

ეს არის არა მხოლოდ ჩემი, არამედ მთელი “ფედერალისტების” პოზიცია, რომ ივანიშვილის დღევანდელი ჟესტით კონკრეტულად პოლიპატიმარ ხაზარაძის და პოლიტპატიმარ ჯაფარიძის შეწყალებით, კიდევ ერთხელ გაესვა ხაზი იმას, რამდენად მნიშვნელოვანია ივანიშვილისთვის 4 ოქტომბერს არჩევნებად წოდებული ფარსის თუნდაც მოჩვენებითი ლეგიტიმაცია, თუნდაც საზოგადოების მცირე ნაწილში. ამას ემსახურება ხაზარაძის და ჯაფარიძის გამორჩევა, რომ შექმნას ისეთი წარმოდგენა, თუნდაც საზოგადოების მცირე ნაწილში, რომ რასაც 4 ოქტომბერს რეჟიმი ჩაატარებს, იმას არჩევნები ჰქვია. 

ამიტომ, მიუხედავად იმ უდიდესი განსხვავებებისა, რაც “ფედერაისტებსა” და “ლელოს” შორის არის, მიუხედავად იმ უამრავი დაპირისპირებისა, რაც ჩვენ შორის ყოფილა, ჩვენ მოვუწოდებთ “ლელოს”, რომ დაუბრუნდეს ერთობის რაციონალურ გზას, გამოუსვას ცელი ბიძინა ივანიშვილს იქ, სადაც მას სტკივა და ცხადია, რომ მას სჭირდება თვითმმართელობის არჩევნებად წოდებული ფარსის ლეგიტიმაცია, ხელი აიღოს ქართველი ხალხის მოტყუებაზე და რეჟიმის თანამზრახველობაზე ხალხის მოტყუებაში. და დაუბრუნოს ღირსეული პასუხი იმით, რომ არჩევნებში არ შევა და გააერთიანებს ამით ოპოზიციურ საზოგადოებას და ძალიან დიდ სიკეთეს მოიტანს, – განაცხადა ჩერგოლეიშვილმა. 

„ქართული ოცნების“ მიერ დაკომპლექტებული კოლეგიის მიერ პრეზიდენტად არჩეულმა მიხეილ ყაველაშვილმა “ლელოს” ლიდერები, მამუკა ხაზარაძე და ბადრი ჯაფარიძე დღეს შეიწყალა.

პარტიაში ამბობენ, რომ შეწყალების მოთხოვნით პოლიტიკურ ლიდერებს ყაველაშვილისთვის არ მიუმართავთ.