ოხანაშვილი ივანიშვილმა გაათავისუფლა – “შიდა კონფლიქტის შედეგად გადაწყდა” – ბესელია

ქართული ოცნების გუნდის ყოფილმა წევრმა, იურისტმა ეკა ბესელიამ, ანრი ოხანაშვილის გათავისუფლება სუსის უფროსობიდან, ტვ პირველთან შეაფასა და თქვა:

“თვითონ ფორმაც მეტყველებს, რომ ეს არ იყო მშვიდ გარემოში მიღებული გადაწყვეტილება. ის რომ თვით ოხანაშვილი არ იდგა კობახიძის გვერდით და ეს არ იყო სტანდარტული ფორმით დამშვიდობები და მადლობები, როგორც გვინახავს, ეს ნიშნავს, რომ შიდა კონფლიქტის შედეგად არის მიღებული მისი გათავისუფლების გადაწყვეტილება, რა თქმა უნდა, ის მისი ნებით არ წასულა. ეს გადაწყვეტილება მიღებული ივანიშვილის მხრიდან.  მე ადრეც ვამბობდი, როდესაც ის დაინიშნა თანამდებობაზე, რომ ეს იქნებოდა ხანმოკლე გადაწყვეტილება. ეს უწყება არ მიიღებდა ოხანაშვილს. ამ სისტემას აქვს თავისი სპეციფიკა მიმღებლობასთან დაკავშირებით და არ მიიღებდა. მთლიანობაში ეს მონაცვლეობა ოხანაშვილი, მდინარაძე, რომელც მაინც არის ერთი ჯგუფი კობახიძის ირგვლივ, ეს აჩვენებს თავად ამ ჯგუფის შიგნით არამყარ ვითარებს, ეს ყველაფერი კი მთლიანობაში ქვეყანში არსებულ არასტაბილურ ვითარებაზე მეტყველებს”,- აცხადებს ეკა ბესელია.  

ცნობისთვის, რამდენიმე წუთის წინ ცნობილი გახდა, რომ სუს-ის ხელმძღვანელმა, ანრი ოხანაშვილმა თანამდებობა დატოვა.  ირაკლი კობახიძის განცხადებით, სუს-ის ახალი ხელმძღვანელი მამუკა მდინარაძე იქნება.