ექიმი ნარკოლოგი, ზურა სიხარულიძე შსს-ს მიერ ბოლო ორი თვის განმავლობაში ნარკოდანაშაულის ბრალდებით დაკავებულების საკითხს ეხმიანება, საუბარია 1417 ნარკორეალიზატორზე და გელა გელაძის უწყებას მიმართავს კითხვით – “თუ რეალურად ასეთი მასშტაბის ნარკორეალიზატორები არსებობდნენ, სად იყვნენ სამართალდამცავები აქამდე?”.
სიხარული სოციალურ ქსელში გამოქვეყნებულ პოსტში წერს, რომ ნარკოტიკების ამხელა მიწოდება თუ იყო, ეს ნიშნავს რომ იყო მოთხოვნაც, შესაბამისად ექიმი შინაგან საქმეთა სამინისტროსგან ითხოვს პასუხს – “რამდენი ნარკომომხმარებელია დღეს საქართველოში?”
ასევე ექიმს აქვს კითხვები იმასთან დაკავშირებითაც, თუ რა რაოდენობის ნარკოტიკია საქართველოს მაშთაბით დამარხული, მიმდინარეობს თუ არა ნივთიერებების ძებნა და რამდენია აქედან ნაპოვნი.
ზურა სიხარულიძე საუბრობს ნარკოდამოკიდებული ადამიანებისთვსი განკუთვნილს სპეციალურ პროგრამებზეც და აცხადებს, რომ საქართველოში მისი დეფიციტია – “იმ დროს, როცა პროგრამებს ვხურავთ, რა ალტერნატივას ვთავაზობთ?”
1417 ნარკორეალიზატორი დააკავა შსს-მ ორი თვის განმავლობაში. მადლობა მათ ამ ოპერაციისთვის, მაგრამ აქ ჩნდება ძალიან მძიმე და სრულიად ლეგიტიმური კითხვები:
1. სად იყვნენ აქამდე?
ანუ წინა პერიოდში ეს ნარკოტიკები თავისუფლად იყიდებოდა? ვინ ფარველობდა ან რატომ არ იღებდნენ ზომებს?
2. ამხელა მიწოდება თუ იყო, ეს ნიშნავს რომ იყო მოთხოვნაც.
შესაბამისად, რამდენი ნარკომომხმარებელია დღეს საქართველოში?
3. ამოღებული ნარკოტიკების 98% მძიმე, ინექციურად მოხმარებადი ნარკოტიკებია.
ესე იგი რამდენად გაიზარდა ქვეყანაში ინექციური ნარკომომხმარებლების რაოდენობა?
4. თუ ინექციური მოხმარება გაიზარდა, მაშინ პარალელურად გაიზარდა:
• C ჰეპატიტით ინფიცირებულთა რაოდენობა,
• აივ/შიდსის ახალი შემთხვევები.
გვაქვს სქტატისტიკა და გამოვლენა სათანადო ?
5. რამდენი ზედოზირება დაფიქსირდა და რამდენი ადამიანი გარდაიცვალა 2025 წლის განმავლობაში?
6. ამ ნარკოტიკს ჰყავდა თავისი მომხმარებელი.
• გაიზარდა თუ არა სერვისების რაოდენობა?
• ახლა, როცა შავ ბაზარზე დეფიციტია, ამ ადამიანებს სჭირდებათ დახმარება – გვაქვს კი შესაბამისი სერვისები?
• იმ დროს, როცა პროგრამებს ვხურავთ, რა ალტერნატივას ვთავაზობთ?
• ერთი თვის წინ გახსნილი სავალდებულო მკურნალობის განყოფილება ისევ , რომ ცარიელია ექიმები და ექთნებიც რომ დარსჯებათ მუშოაბენ რამე მწვავე მიღებას ელოდებით ღამე? თუ როგორ მუშოაბს და რა პრინციპით აწვენთ იქ პაციენტებს ? რა ბუდჯეტია რა პროტიკოლია?
7. თუ რეალურად ასეთი მასშტაბის ნარკორეალიზატორები არსებობდნენ, მაშინ სად იყვნენ სამრთალდამცავები აქამდე და პროგრამებთან სამ სამი ბრიგადა მორიგეობდა , სადაც ყველაზე დიდი ამოღება პირის ღრუდან ბუპრენორფინის 0.000018 მგ ამოღება იყო
8. ბოლოს – ამ 1417 დაკავებულიდან:
• რამდენმა დამარხა ნარკოტიკი?
• სად არის ეს ნარკოტიკი?
• ვეძებთ მას, თუ ეს აღარავის აინტერესებს?
და რამდენი გასამრთდლება და ნამდვილად მიიღებს სასჯელს და რადმენს ესეიც ძაან საინტერსოა საზოგადოებისთვის თუ საპროცესო შეთანხმებები გაფორდემა? ყველა განაჩენი ძაან საინტერსოა
ეს კითხვები პასუხს ითხოვს.
ვიცი, ბევრს ეწყინება, დაუნახავი ხარო ,მაგრამ ეს კითხვები ძალიან სერიოზულია და ძაან მნიშნელოვანია ,რომ საზოგადოებმა ეს იცოდეს
დილა მშვიდობის”, – წერს ზურა სიხარულიძე.
კომენტარები