“ნაომარი ქალაქი რუსული მმართველობის წინააღმდეგ” – გორში აქცია დაანონსდა

“ნაომარი ქალაქი რუსული მმართველობის წინააღმდეგ” – ამ სახელწოდებით დაანონსდა დღეს საპროტესტო აქცია 18:00 საათზე გორში.

როგორც ორგანიზატორები აცხადებენ, გორში აქციის ჩანიშვნის მიზეზი გორის საკრებულოს თავმჯდომარის განცხადება გახდა.

“მოგიწოდებთ!
ყველა პოლიტიკური პარტიის წარმომადგენელებს,როგორც ადგილობრივს ისე ცენტრალურს, სამოქალაქო საზოგადოებას , არასამთავრობო სექტორს,აქტივისტებს,
დღეს ყველას გელოდებით გორში !
ეს არ არის მხოლოდ გორის სირცხვილი ეს ყველაფერი საქართველოს ღირსებაზე გადის !
მნიშვნელოვანია რომ საჭირო და დროული პასუხი გაეცეს ამ არარაობას !”- წერია ორგანიზაოტორების მიერ გავრცელებულ განცხადებაში. 

ცნობისთვის, New York Times- მა ვრცელი სტატია გამოაქვეყა სათაურით – “როგორ გადავიდა საქართველო დემოკრატიის ავანგარდიდან ავტოკრატიის ფრონტის წინა ხაზზე”.

[რუსები] აქ მშვიდობისმყოფელებად მოვიდნენ და მადლობა ღმერთს, რომ ასე მოიქცნენ, რადგან მიშას ხულიგნები მთელ ქალაქს ძარცვავდნენ. მათ მღვდლის მანქანაც კი მოიპარეს, წარმოგიდგენიათ? რუსები რომ არ მოსულიყვნენ, ვინ იცის, კიდევ რამხელა ზიანს გამოიწვევდნენ… ეს ყველაფერი მიშას ბრალი იყო, შეგნებულად წავიდა პროვოკაციაზე…” – განაცხადა გორის საკრებულოს თავმჯდომარემ New York Times-თან.

თარგმანი – ნეტგაზეთი

გამოცემა წერს, რომ 90-წუთიანი ინტერვიუს დროს რაზმაძემ მოახერხა მიხეილ სააკაშვილის დადანაშაულება ყველაფერში – ეკლესიაში მრევლის შემცირებიდან დაწყებული მუნიციპალური შადრევნების ხარჯების გადაჭარბებით დამთავრებული.

სკანდალში გახვეული გორის საკრებულოს თავმჯდომარე თავის მართლების რეჟიმშია და ამტკიცებს, რომ “ნიუ იორკ თაიმსმა” მისი ინტერვიუ გააყალბა.

“პუტინი ეშმაკის მოციქულია… რუსებს ზიზღით მოვიხსენიებ” – გორის საკრებულოს თავმჯდომარე