(ვიდეო) – “აი, როგორი არ უნდა იყოს პიარი და მერობის კანდიდატი” – თამარ ბელქანია

საზოგადოების მართვა სპეც.სამსახურებით საბჭოთა სისტემის რეანიმირებაა.

ეს ნიშნავს, რომ პირდაპირ ხდება ადამიანის დაძაფრვა და მის კეთილი ნების შეზღუდვა. შიში, ის ბერკეტია რომელშიც საზოგადოება 70 წელი ცხოვრობდა და ჰქონდა განცდა, რომ უთვალთვალებენ, უსმენე და მის თითოეულ ნაბიჯს აკონტროლებენ. ეს არ არის მხოლოდ სტერეოტიპი, ეს პოსტსაბჭოთა ადამიანის გენეტიკური მეხსიერება და რეფლექიაა. მას, მოქალაქეს შიშის ზარს სცემდა უშიშროების გაგონებაც კი.

…როგორ უნდა უჭირდეს კადრებში ოცნებას, რომ მერის კანდიდატად სუსის ადგილობრივი ხელმძღვანელი წარადგინო.

წარადგინა და წარსდგა ჟანრის კლასიკით: საბჭოთა ტრადიციების სრული კასკადით. ჯერ იყო და საკუთარი სახელი თავად დაარედაქტირა, მერე იყო, პრემიერმა სულ სხვა სახელით წარადგინა ქვეყნის მასშტაბით და სულ სხვა სახელი და გვარით გააცნო წალენჯიხელებს სამხარეო ადმინისტრაციის უფროსმა.

მისი საარჩევნო პირველი სიუჟეტი ეს არის, ღია აგრესია, მუქარა, ცრუ ბრალდება, დისკრედიტაცის მცდელობა და მთავარი -ნული კეთილგანწყობა, პოზიტივი, განსხვავებული შეხედულების მქონე ადამიანებთან კონსტრუქციული თანამშრომლობის მზაობა…ნული ჰუმანიზმი.

აი, როგორი არ უნდა იყოს პიარი და მერობის კანდიდატი.

და ბოლოს, ადამიანი უნდა გიყვარდეს, პატივს სცემდე მის თავისუფალ ნებას და თანამშრომლებს ისედაც დეპრესიულ სამყაროში შიში კი არ უნდა ჩაუნერგო, არამედ სრული ნდობა გამოუცხადო! და შეუქმნა ჯანსაღი სამუშაო გარემო!

მაგრამ, ამას ვერ ითამაშებ.

ასეთი უნდა იყო!