საქართველოს საზოგადოებრივ საქმეთა ინსტიტუტის (GIPA) პროფესორი, გიორგი კობერიძე:
ახლახანს დასრულდა მასშტაბური სამხედრო აღლუმი პოლონეთში, რომელზე გამოსვლისას პრეზიდენტმა ნავროცკიმ რუსეთი ნეოიმპერიალისტურ პროექტად შეაფასა, რომელიც ისეთივე დამარცხებადია, როგორც ვარშავასთან დამარცხებული წითელი არმია 1920 წელსო. სწორედ რუსეთზე გამარჯვების 105 წლისთავს აღნიშნავს პოლონეთი დღეს. პრეზიდენტმა ნავროცკიმ უკრაინაც ახსენა და აღნიშნა, რომ რუსეთი იქ უკვე მეოთხე წელია ჭაობშია ჩაფლულიო და მოსკოვმა უნდა იცოდეს რომ პოლონეთს ვერ შეაშინებენო.
პოლონეთის მხრიდან დღევანდელი აღლუმი ძალის დემონსტრირების კიდევ ერთი და ნათელი მაგალითია. მასში სახმელეთოს გარდა საავიაციო და საზღვაო კომპონენტიც იყო წარმოდგენილი. პოლონეთი სამხედრო თვალსაზრისით ცენტრალურ და აღმოსავლეთ ევროპაში ერთ-ერთი ყველაზე ძლიერი სახელმწიფოა.
კომენტარები