“მზიას თავისუფლებისთვის” – მოქალაქეები, მზია ამაღლობელის მხარდასაჭერად, ფილარმონიიდან მსვლელობას მართავენ. მარში პარლამენტის მიმდებარე ტერიოტორიაზე დასრულდება.
მოქალაქეების განცხადებით, მზია უკანონო პატიმარია და ისინი ბოლომდე იბრძოლებენ იმისთვის, რომ ყველა სინდისის პატიმარი გათავისუფლდეს.
აქციის მონაწილეები სკანდირებენ “ბოლომდე, ბოლომდე!”
შეგახსენებეთ, რომ ბათუმის საქალაქო სასამართლოს მოსამართლემ, ნინო სახელაშვილმა მზია ამაღლობელს ბრალი გადაუკვალიფიცირა და მას 2-წლიანი პატიმრობა მიუსაჯა.
პროკურატურა მზია ამაღლობელს პოლიციელზე თავდასხმას ედავებოდა და ბრალი სისხლის სამართლის კოდექსის 353¹ მუხლის პირველი ნაწილით ჰქონდა წარდგენილი.
მოსამართლე ნინო სახელაშვილმა ეს მუხლი გადააკვალიფიცირა შედარებით მსუბუქი 353-ე მუხლის პირველი ნაწილით, რაც გულისხმობს წინააღმდეგობას, მუქარას ან ძალადობას საზოგადოებრივი წესრიგის დამცველის მიმართ და ისჯება ჯარიმით ან თავისუფლების აღკვეთით ვადით 3 წლამდე.
კომენტარები