„ამ შაბათ-კვირას“ წამყვანებმა ლიკა ევგენიძემ და გიორგი შარვაშიძემ გადაცემის დახურვის შემდეგ ტელევიზიის ახალ შეთავაზებაზე, შუადღის გადაცემაში გადასულიყვნენ, უარი თქვეს და „პირველი არხი“ დატოვეს.
„მე და გიორგის შემოგვთავაზეს შუადღის გადაცემაში გადასვლა, მაგრამ უარი ვთქვით იმიტომ, რომ გადაცემა „ამ შაბათ-კვირას“ დახურეს, ჩვენი პროდიუსერები გაუშვეს და ამის გამო ჩვენც აღარ გავაგრძელეთ მათთან კონტრაქტი“, – განაცხადა ლიკა ევგენიძემ „მედიაჩეკერთან“ საუბრისას.
„პირველმა არხმა“ გადაცემის გუნდის წევრებს გასულ კვირას შეატყობინა, რომ 1 აგვისტოს „ამ შაბათ-კვირას“ საპროექტო ვადა ეწურება და მისი გაგრძელება აღარ იგეგმება. არხმა მათ სხვადასხვა გადაცემაში გადასვლა შესთავაზა, უარის თქმის შემთხვეევაში კი, მიუთითა, რომ მათთან ხელშეკრულება შეწყდებოდა.
კომენტარები