“ელისაშვილი უკანასკნელი სიტყვებით ლანძღავდა ხარაზაძეს, მეორე დღეს – გადაეხვია” – ვოლსკი

ქართული ოცნების ერთ–ერთი ლიდერი, გია ვოლსკი:

ალეკო ელისაშვილმა თავი გამოიჩინა იმით, რომ შეუძლია, ვთქვათ, მუშტი-კრივი გამართოს ან აკრობატული ნომრები შეასრულოს. აკრობატიკა არა მარტო ფიზიკური, არამედ პოლიტიკური აკრობატიკა. უკანასკნელი სიტყვებით ლანძღავდა ხარაზაძეს იმის გამო, რომ იგი საბანკო სისტემით ემსახურებოდა ნაცმოძრაობას. მეორე დღეს ხელს ართმევს და გადაეხვია. მისი პოლიტიკური პრინციპები, მისი ცოდნა, ინტელექტი არ მიდის იმაზე წინ, რასაც ჰქვია ის აკრობატიკა, რასაც ის იყენებს პერიოდულად ან სპორტულ დარბაზში, ან პოლიტიკურ ასპარეზზე. აქედან გამომდინარე, თუკი იგი კანდიდატად გადაწყდება, მისი კანდიდატურა იქნება წაყენებული, მე ვფიქრობ, საკმაოდ სუსტი პოზიცია ექნება ოპოზიციად წოდებულ ამ ექსტრემისტულ ჯგუფებს. ალეკო ელისაშვილმა თავი გამოიჩინა მათ შორის, ამ ექსტრემიზმის რეალიზაციაში. მე მგონია, რომ ამ შემთხვევაში, საქმე გვაქვს არასერიოზულ გადაწყვეტილებასთან, რომელიც გარკვეულ მიზანს ემსახურება. მე ვფიქრობ, რომ დაპირისპირების, მათ შორის ფიზიკური დაპირისპირების წინა ხაზზე ალეკო ელისაშვილის გამოწევა არის ჩანაფიქრი, რაც საბოლოო ჯამში, მისი კანდიდატურის განხილვას უნდა მოჰყვეს. რასაკვირველია, წააგებს, რასაკვირველია ამ წაგებას მონათლავს როგორც არჩევნების გაყალბებად და რასაკვირველია, ამ შემთხვევაში, კვლავ იგი, როგორც ხაბეიშვილის თანამოაზრე და ასევე ფიზიკური აკრობატკის დარგში თანამოაზრე, მე ვფიქრობ, რომ გადავა სწორედ ამ გეგმის რეალიზაციაზე, რასაც ჰქვია ფიზიკური დაპირისპირების ორგანიზება კვლავ რუსთაველის პროსპექტზე.