გაერთიანებული სამეფოს პრემიერ-მინისტრის, კირ სტარმერის განცხადებით, ბრიტანეთის მთავრობა პალესტინის სახელმწიფოს მხოლოდ მოლაპარაკებული სამშვიდობო შეთანხმების ფარგლებში აღიარებს.
- Reuters-ის ინფორმაციით, ამ განცხადებამ იმედგაცრუება გამოიწვია “ლეიბორისტული პარტიის” ბევრ წევრში, რომლებიც ფიქრობენ, რომ ბრიტანეთმა საფრანგეთის მსგავსად უფრო სწრაფი ქმედებები განახორციელოს.
„პალესტინის სახელმწიფოს აღიარება ერთ-ერთი ასეთი ნაბიჯი უნდა იყოს. ამაში ცალსახა ვარ, მაგრამ ეს უფრო ფართო გეგმის ნაწილი უნდა იყოს, რომელიც, საბოლოოდ, კონფლიქტის ორი სახელმწიფოს პრინციპით გადაწყვეტით და პალესტინელებისა და ისრაელებისთვის მდგრადი უსაფრთხოებით დასრულდება“, – აღნიშნა სტარმერმა.
გუშინ, ბრიტანეთის პარლამენტის 220-ზე მეტმა წევრმა – თემთა პალატის კანონმდებლების დაახლოებით მესამედმა და ძირითადად ლეიბორისტულმა პარტიამ – კირ სტარმერს წერილი მისწერა და პალესტინის სახელმწიფოს აღიარებისკენ მოუწოდა.
შეგახსენებთ, საფრანგეთის პრეზიდენტმა, ემანუელ მაკრონმა ორი დღის წინ განაცხადა, რომ პალესტინის სახელმწიფოს დამოუკიდებლობის აღიარების გადაწყვეტილება მიიღო.
კომენტარები