უფლებადამცველი, ბაია პატარაია:
რომ აღარ იციან ვიზალიბერალიზაცია როგორ დააკნინონ, ეხლა მოიფიქრეს – მაგის გამოა ემიგრაციაო. ემიგრაცია იცით რატომ არსებობს? იცით რატომ ტოვებს ქართველი თავის საყვარელ და ლამაზ მიწა-წყალს და ოჯახს? იმიტომ რომ შიმშილით არ მოკვდეს! და სიღატაკეში არ აცხოვროს შვილები.
აბა, იყოს საქართველო ევროკავშირის წევრი ქვეყანა, სადაც საშუალო ხელფასი 1500 ევროა, ვინ წავიდოდა ემიგრაციაში? არავინ! სასწავლებლად – კი, მაგრამ სამუდამოდ – არავინ.
ქართველებს უყვართ დაბრუნება. ვინც წასულია, იმათი დიდი ნაწილი ისევ აქ ყიდულობს ბინას, ისევ აქ უნდა ბიზნესის აწყობა და რატომ? იმიტომ რომ დაბრუნება უნდა, სიბერეც და სიკვდილიც აქ უნდა.
23 წლის ვიყავი, როცა არ დავრჩი საზღვარგარეთ სამუშაოდ და საცხოვრებლად უცხოური დიპლომით ხელში. რადგან მივხვდი, რომ წასვლა მხოლოდ დროებით შემეძლო და ჩემი ცოდნაც ჩემი ქვეყნისთვის მინდოდა. ასეა ვისაც ვიცნობ ყველა!
ამიტომ ქოცებო, იცოდეთ, თქვენ კისერზეა ეგ მიგრაციაც და ეს სიღარიბეც! აქ რომ ნორმალური სამსახური იშოვნებოდეს, ქართველი არც გაიხედავს იმ მძიმე სამსახურისკენ, რაც მიგრანტებს უწევთ საზღვარგარეთ.
ვერ მოგვატყუებთ სისულელეებით. ვიზით თუ უვიზოდ, ქართველს წასვლა არ უნდა უწევდეს! მაგრამ რა ქვეყანა ააშენეთ, ქოცებო? კორუფციაში ჩამხრჩვალი, ღარიბი და კრიმინალური, სადაც პატიოსანი შრომით ადამიანს თავი ვერ გააქვს.
ჩვენ ნორმალური, დემოკრატიული და ევროკავშირის წევრი საქართველო გვინდა!
კომენტარები