სინდისის პატიმრებმა არტემ გრიბულმა და ანტონ ჩეჩინმა მშრალი შიმშილობა გამოაცხადეს

ტვ პირველის ინფორმაციით, სინდისის პატიმრებმა, არტემ გრიბულმა და ანტონ ჩეჩინმა, გუშინ, მშრალი შიმშილობა გამოაცხადეს.

ორივე მათგანი ამჟამად ერთ საკანში არიან მოთავსებულები.

ცნობისთვის, 24 წლის არტემ გრიბული კრიმინალურმა პოლიციამ 17 დეკემბერს, 31 წლის ანასტასია ზინოვკინასთან ერთად დააკავა. მათ წინააღმდეგ აღძრული მუხლი ქართული კანონმდებლობით განსაკუთრებით დიდი ოდენობით ნარკოტიკული საშუალების ფლობად კვალიფიცირდება და სასჯელის სახით 8-დან 20 წლამდე ან უვადო თავისუფლების აღკვეთას ითვალისწინებს.

ხოლო, 26 წლის ანტონ ჩეჩინი საქართველოში რუსეთიდან მასე შემდეგ ჩამოვიდა, რაც უკრაინაში რუსული რეჟიმის შევიდა და ომი წამოიწყო. ჩეჩინის ოჯახი ამბობს, რომ ახალგაზრდა რუსეთში ანტიპუტინისტურ აქციებში მონაწილეობდა, ის ნავალნის პარტიის მხარდამჭერი იყო და რამდენჯერმე დაკავებულიც იყო, თუმცა საერთაშორისო სასამართლომ მისი უფლებების დარღვევა დაადგინა.

საქართველოში ჩამოსვლის შემდეგ ჩეჩინი უკვე საქართველოში გამართულ აქციებში მონაწილეობდა.