“ქართული ოცნების” წევრი, მარიამ ლაშხი ამტკიცებს, რომ ევროკავშირი საქართველოს მოსახლეობას იმიტომ “სჯის, რომ საქართველოს ხელისუფლება არ მოსწონს”.
ლაშხმა ეს განცხადება ირაკლი კობახიძის მიერ გაკეთებული კომენტარის შეფასებისას გააკეთა, სადაც “ქართული ოცნების” პრემიერმა აღნიშნა, რომ “დღეს ადამიანებს წვავენ იმის გამო, რომ მათ მიაჩნიათ – კაცი კაცია და ქალი ქალია”.
ლაშხი ირწმუნება, რომ კობახიძის მსგგავსად ამ საკითხებზე ბრიტანეთი და ამერიკის შეერთებული შტატებიც საუბრობენ.
ჟურნალისტის რეპლიკაზე – “კაცებს ძალით გაათხოვებენ”, ივანიშვილის გუნდის წევრი ამბობს: “არა, არა, არავის არ… ეს ამ თემის არასწორად უტრირებაა”.
კიდევ ერთ შეკითხვაზე, რისი ეშინია “ოცნებას”, ლაშხის პასუხი ასეთია: “ჩვენ არაფრის გვეშინია, ჩვენ გვეშინია ღმერთის, რომ არ მივიღოთ დასჯა…”
ცნობისთვის, ევროკომისიის მიგრაციისა და საშინაო საქმეთა გენერალურმა დირექტორატმა “ქართული ოცნების” საგარეო საქმეთა მინისტრს, მაკა ბოჭორიშვილს წერილით მიმართა.
ევროკომისია პირდაპირ წერს, რომ დარღვევების გაგრძელების შემთხვევაში, შესაძლოა, უვიზო რეჟიმი შეჩერდეს.
კომენტარები