ავტომოყვარულთა და დრიფტერების საყურადღებოდ – რა ცვლილებები შედის კანონში?

უფლებადამცველი, კოალიცია ცვლილების წევრი, მარიკა არევაძე:

,, ავტომოყვარულთა და დრიფტერების საყურადღებოდ

არალეგიტიმური პარლამენტის მიერ მორიგი ცვლილება შევიდა კანონში, რომლის შესაბამისადაც:

1. ავტომობილის თვითნებურად გადაკეთება

– თუ სატრანსპორტო საშუალება არის თვითნებურად გადაკეთებული (საწვავის ავზი, ძარა, მაყუჩი, ან დაყენებულია ბუნებრივი აირის სისტემა, ან სხვაგვარადაა შეცვლილი სატრანსპორტო საშუალების კონსტრუქცია და იგი არ შეესაბამება საგზაო მოძრაობის უსაფრთხოების უზრუნველყოფის მოთხოვნებს ან/და ქარხანა-დამამზადებლის სტანდარტებს) ასეთი ავტომობილის მართვა გამოწვევს ჯარიმას 200 ლარის ოდენობით და ამავე დროს პოლიციელს ენიჭება უფლება ავტომობილი გადაიყვანოს ე.წ. საჯარიმო სადგომზე.
– ავტომობილის საჯარიმო სადგომზე ყოფნის ხარჯების ანაზღაურება სამართალდამრღვევს დაეკისრება.
– ავტომობილი მესაკუთრეს დაუბრუნდება საჯარიმო სადგომზე გადაყვანიდან 10 დღის შემდეგ. გამოსაყვანად დაგჭირდებათ რეგისტრაციის მოწმობა ან მინდობილობა.
– დაუშვებელია სატრანსპორტო საშუალებით გადაადგილება, თუ მას აქვს ისეთი ტექნიკური გაუმართაობა, რომლის არსებობისას აკრძალულია სატრანსპორტო საშუალების ექსპლუატაცია.
– საქართველოს შინაგან საქმეთა სამინისტროს უფლებამოსილი პირი კრძალავს იმ სატრანსპორტო საშუალების ექსპლუატაციას, რომელიც თვითნებურად არის გადაკეთებული (გადაკეთებულია საწვავის ავზი, ძარა, მაყუჩი, ან დაყენებულია ბუნებრივი აირის სისტემა, ან სხვაგვარადაა შეცვლილი სატრანსპორტო საშუალების კონსტრუქცია და იგი არ შეესაბამება საგზაო მოძრაობის უსაფრთხოების უზრუნველყოფის მოთხოვნებს ან/და ქარხანა-დამამზადებლის სტანდარტებს).

2. დრიფტი

– ავტომობილის განზრახ მოცურება/მოსრიალება ან/და მოცურებით წრიული ბრუნვის განხორციელება (დრიფტი) გამოიწვევს დაჯარიმებას 300 ლარის ოდენობით.
– დაჯარიმება არ მოხდება საქართველოს კანონმდებლობით დადგენილი წესით ჩატარებულ პროფესიულ სპორტულ ღონისძიებაში მონაწილეობის შემთხვევაში.”