საზღვაო ტრანსპორტის სააგენტოს დირექტორს, ალექსი ახვლედიანს უფლებამოსილება შეუწყდა – ინფორმაციას ეკონომიკისა და მდგრადი განვითარების სამინისტრო ავრცელებს.
ოფიციალური ინფორმაციით, შესაბამის ბრძანებას ხელი 2025 წლის 9 ივლისს მოეწერა.
ალექსი ახვლედიანი საზღვაო ტრანსპორტის სააგენტოს დირექტორად 2023 წლის მაისიდან მუშაობდა.
ცნობისთვის, გამოძიების ინფორმაციით, 7 ივლისს, დაახლოებით 01:10 საათიდან 01:30 საათამდე პერიოდში, აჭარის მთავრობის ყოფილმა თავმჯდომარემ თორნიკე რიჟვაძემ თვითმკვლრლობა ალექსი ახვლედიანის სახლში, საზღვაო ტრანსპორტის სააგენტოს დირექტორის კუთვნილი “გლოკის” ტიპის იარაღიდან გასროლით სცადა.
ახვლედიანი გუშინ, 8 ივლისს 30 000-ლარიანი გირაოს სანაცვლოდ გაათავისუფლეს.
კომენტარები