ანალიტიკოსი გია ხუხაშვილი:
„იმათთვის, ვინც კიდევ რჩება ამ საყოველთაო პოლიტიკური ისტერიის მიღმა:
არსებობს პოზიტიური და ნეგატიური პოლიტიკური პროცესი.
ნეგატიურია, როდესაც შენი მიზანია ვიღაცის დამარცხება და ამაზე აგებ ყველა ქმედებას.
პოზიტიურია, როდესაც მოქმედებ არა ვიღაცის დამარცხების, არამედ საკუთარი გამარჯვების მიზნით.
ნეგატიური პროცესი არის რესურსების ომი, რადგან ძირითადად უკომპრომისო, ძალისმიერ მეთოდებს ემყარება და შესაბამისად იგებს ის, ვისაც მეტი რესურსი აქვს. ამ პროცესში ხალხი საერთოდ არ მონაწილეობს და შესაბამისად საბოლოოდ ძლიერის ლუკმა ხდება პორდაპირ, ან ირიბად.
პოზიტიური იძლევა შესაძლებლობას რესურსების სიმწირე ხალხის ნატურალური მხარდაჭერით შეავსოს და შესაბამისად ჩნდება ნაკლები რესურსებით ძლიერის დამარცხების შანსი.
სლოგანი – “ჩვენი მიზანი ბიძინას დამარცხებაა” მცდარია და ისევ ბიძინას კვებავს.
სწორი სლოგანია – “ჩვენი მიზანი ბიძინას დამარცხება კი არა, ჩვენი, ანუ საქართველოს გამარჯვებაა”.
სამწუხაროდ, მესმის რომ ეს მარტივი ფორმულა აფექტის მდგომარეობაში მყოფი საზოგადოებისთვის მიუღებელია. ის რჩება ნეგატიურ ველში და სწორედ ეს არის ბიძინას, როგორც რესურსების მონოპოლისტის მთავარი კოზირი.“
კომენტარები