იუმორისტი ნიკა ქავთარაძე:
,,ცოოტა გრძლად #გახარიაზე
გახარიას პარტიაში ძალიან ახლო ადამიანები მყავს და მათ არასდროს ვატკენ გულს.
თუმცა – გახარია არის ერთადერთი პოლიტიკოსი, ვისაც პირად მტრად ვთვლი. 47 წლის მოვკვდები, თუ 97-ის ამას უბრალოდ არაფერი შეცვლის.
მიზეზი არის 2018 წლის 20 ოქტომბერი, როცა ორ ბავშვთან ერთად მყოფი (14 და 4 წლის), სრულიად უმიზეზოდ წამიყვანეს თბილისის სამმართველოში.
ბავშვების სტრესის აღწერა არ მინდა, დიდი ბიჭები არიან ახლა, მაგრამ ჩემსას გეტყვით.
რადგან არც კი გახსოვდეთ შეიძლება.
მაგ დღეს, დედაენის ბაღში, “გირჩის” პოლიტიკური აქტი დაორგანიზდა- “მარიხუანას ფესტივალის” სახელით. სადაც ჯაფარამ ჯოინთები გადასცა რამდენიმე ადამიანს და საზოგადოებას დაანახა, რომ ასეთი ქმედების გამო ადამიანებს ციხეში არ უნდა უშვებდეს სისტემა.
მე მაგ დროს დაახლებით ერთი წლის გაწყვეტილი მქონდა “გირჩთან” აქტიური კავშირი და არც ამ ფესტივალის ორგანიზებასთან მქონდა რამე კავშირი.
გახარია შსს მინისტრი იყო მაგ დროს!
ზუსტად მაგ დროს, ჩემ შვილთან, და ჩემ შვილობილთან ერთად მანქანით მივდიოდი, ჩემი შვილის საფეხბურთო მატჩზე. თემქაზე – ფესტივალი იყო დედაენის ბაღში!სტადიონთან მისულებს, გვერდით ამოგვიდგა კრიმინალური პოლიციის ავტომობილი. რომლიდანაც გადმოვიდა სამი სამოქალაქო ფორმაში ჩაცმული ადამიანი, წარმომიდგინეს პოლიციელების დამადასტურებელი მოწმობები და მითხრეს, რომ გასაუბრებისთვის ცოტა ხნით უნდა წავყვე პოლიციაში. ბოლო რამდენიმე საათის განმავლობაში სოციალურ ქსელებში ვრცელდებოდა ინფორმაცია, ჯაფარასთან და რამდენიმე ლიდერთან ერთად, “გირჩთან” ასოცირებული ადამიანები სხვადასხვა ადგილას დააკავეს. მათ შორის ტორესა, სადღაც კახეთის გზატკეცილზე – ჩემთან ერთად სულ 11 ადამიანი. ამიტომ პოლიციელების მოთხოვნის მიზეზს მივხვდი. ვცადე ამეხსნა მათთვის, რომ მიუხედავად იმისა, რომ ისინი დაკავების და პოლიციაში გადაყვანის მიზეზს არ მიხსნიდნენ, მე ზუსტად ვიცოდი, რატომ მიჭერდნენ. თუმცა არანაირი კავშირი არ მქონდა
“გირჩის” ღონისძიებასთან. რაც მათაც უნდა სცოდნოდათ, რადგან ფაქტი იყო ჩემ ტელეფონს უსმენდნენ და მითვალთვალებდნენ, სხვაგვარად ვერც ჩემ ადგილსამყოფელს გაიგებდნენ და ვერ მიპოვნიდნენ. ჩემი უარი არ მიიღეს. ტყუილში დასარწმუნებლად მთავაზობდნენ იქვე დამეტოვებინა 5 წლის ბავშვი. რადგან მალე დამაბრუნებდნენ.
ზუსტად ვიცოდი, რომ მინიმუმ გვიან ღამემდე არ გამომიშვებდნენ. სანდრო მატჩზე დარჩა. მე კი პოლიციელების მანქანით, შეშინებული და ატირებული 5 წლის ბავშვი წავიყვანე სახლში, დედასთან. იქიდან გავყევი თბილისის პოლიციის მთავარ სამმართველოში.
დაკითხვის დაწყებამდე ჩამაბარებინეს ყველა ნივთი, რაც მქონდა. არცერთი მათგანი არ იყო კანონ საწინააღმდეგო. მათვე შემამოწმეს გარეგანი დათვალიერებით, რომ სხვა არაფერი მქონდა. ოფიციალური დაკითხვის დაწყებისას ჩამიტარეს კიდევ ერთხელ გარეგანი ჩხრეკა და ოქმში ჩაწერეს, რომ არაფერი არაკანონიერი არ გამაჩნდა.
დაკითხვა გაგრძელდა დაახლოებით 5 საათი. თავიდანვე გავაკეთე ოფიციალური განცხადება, რომ არანარი კავშირი პარტია “გირჩთან” ან მის მიერ ორგანიზებულ პოლიტიკურ აქტთან იმ ეტაპზე არ მქონდა. რომ არ ვიცი არცერთი ისეთი რამ, რაც ყველამ არ იცის მედიიდან და სოც ქსელებიდან. თუმცა ამის მიუხედავად კითხვებს მისვამდნენ, როგორც ორგანიზატორს. ამ 5 საათის განმავლობაში, ოთახში სათითაოდ შემოვიდა დაახლოებით 20 პოლიციელი. ყველა მათგანი იდენტურად იქცეოდა -კარს გააღებდა, შემოიხედავდა და ცინიკურად მეუბნებოდა “ უი, ნიკა, შენც აქ ხარ?”
დაკითხვა დასრულდა. პოლიციელი გავიდა ოქმის ამოსაბეჭდად. მეც ვიცი, რომ ყველაფერი დასრულდა და ხელის მოწერისთანავე უნდა გამიშვან. თუმცა კიდევ დაახლოებით 2 საათი ოქმის ამოსაბეჭდად გასული პოლიციელი არ დაბრუნდა. როგორც ჩანდა, ხელმძღვანელობისგან ჰქონდათ დავალება, რომ “გირჩის” არც ერთი სპიკერი გარეთ არ უნდა ყოფილიყო ვიდრე კარგად არ დაღამდებოდა.
ბოლოს შემოვიდა ეს პოლიციელი და მითხრა, ბრძანება მაქვს, ვიდრე ამას ხელს მოაწერ, კიდევ ერთხელ უნდა გაგჩხრიკოთო. ალბათ გახსოვთ, უკვე ორჯერ გამჩხრიკეს.
ამჯერად ჩვეულებრივი გაჩხრეკვა არ იკმარეს და სრულიად გამაშიშვლეს(!!!) და ისე გამჩხრიკეს. თან ზუსტად იცოდნენ, რომ
მხოლოდ შეურაცხყოფისთვის, რადგან არაფერი მე არ მქონდა!!
მათ მიერ ვითომ ფამილარული და ამავდროულად ირონიული საუბარი მსგავსი ფორმით გაჩხრეკვის პარალელურად იყო ერთერთი უმძიმესი წუთები ჩემს ცხოვრებაში.
ხოდა, გახარიას დდშვც პირადი მიზეზით და ყველას (20 ივნისი) მიზეზით იმათიც, ვინც უგულოდ და უტვინოდ არ მიიტანს გულთან ასეთ ამბავს!“
კომენტარები