დღეს ცნობილი გახდა, რომ რადიო „თბილისის“ ანგარიშები დაყადაღებულია – რადიო „თბილისის“ მფლობელი და დირექტორი, რამაზ სამხარაძის ინფორმაციით, ინკასოს წინ უსწრებდა ზუსტად ერთი დღით, სოზარ სუბარისადმი მიმართვა:
მეგობრებო, რადიოების ანგარიშზე ინკასო დამადეს.
წლებია გვაქვს გარკვეული აღიარებული დავალიანება, ისევე როგორც თითქმის ყველა მედიას.ვითარება ასეთია: რადიო „თბილისი“ ამ ეტაპზე ლიცენზიის ვადის გასაგრძელებლად ემზადება — აგვისტოში გვეწურება მოქმედი ვადა და ვგეგმავთ გაგრძელებას მომდევნო 10 წლით.20 ივნისს, კომუნიკაციების კომისიის წესების სრული დაცვით, უკვე გადავრიცხეთ საჭირო თანხა ბიუჯეტში… და დღეს დილით მივიღე “საქართველოს ბანკის” შეტყობინება — ინკასო.არ მაქვს ილუზია, რომ ეს უბრალოდ დამთხვევაა.გუშინ მივმართე კრიტიკული პოსტით სოზარ სუბარს — დღეს ინკასო!არაფერია შემთხვევითი. როცა დამოუკიდებელი მედიის ხმა გესმით და ის ხმამაღლა საუბრობს, პასუხიც სწრაფია — ანგარიშზე ჩარევა, ფინანსური წნეხი, ბერკეტი და ზეწოლა.ყველაფერი კავშირშია.და თქვენ კიდევ გგონიათ, რომ ამ ქვეყანას ეშველება?..
რამდენიმე წუთის წინ, რამაზ სამხარაძის ინფორმაციითვე, “კიდევ ერთი, ახალი ბრძანებით, დააყადაღეს რადიოების მთელი ქონება!”
ცნობისთვის, გუშინ, რამაზ სამხარაძემ მიმართა სოზარ სუბარს და დაწერა:
Sozar Subari სოზარ, გამომიძახეთ კომისიაზე სიამოვნებით მოვყვები როგორ ნაწილდებოდა მიშას დროს სარეკლამო ბაზარი და…— როგორია სურათი დღეს – თქვენი მმართველობის პირობებში;— როგორ არ მუშაობს ანტიმონოპოლიური სამსახური;— როგორ იგებენ „სწორად მართული“ მედიაკომპანიები სახელმწიფო ტენდერებს;— როგორია კორუფციული ჯაჭვები და „ატკატების“ სქემები;— და როგორ იკვებება ახლანდელი პროპაგანდისტული მედია სახელმწიფო ბიუჯეტით.
სხვა მედიის წარმომადგენლები თუ დაიბარეთ, მე რა დავაშავე?
გამომიძახეთ — საჯაროდ ვისაუბროთ.
კომენტარები