მეურნეობაში” ხელოვნების სხვადასხვა დარგების საფუძვლებს შეისწავლიან, შესაბამის საბაზისო განათლებას მიიღებენ, რომ სურვილის შემთხვევაში, სწავლა უმაღლეს სასწავლებლებსა, თუ აკადემიაში გააგრძელონ.
“არტ მეურნეობაში” სექტემბრის თვიდან “სტარტს” აიღებს სამხატვრო სკოლა, რომელოც ყოველ შაბათ-კვირას იფუნქციონირებს და ბავშვებს შესაძლებლობას მისცემს ხელოვნების საფუძვლებს ეზიარონ. იქნება ეს ხატვა, ფერწერა, ძერწვა, თუ სხვა. საგულისხმოა ისიც, რომ უფროსი ასაკის ბავშვებისთვის, ამ დარგის შესწავლა კიდევ უფრო პროფესიონალურ დონეზე მოხდება. გარდა იმისა, რომ ისინი შეისწავლიან ამ დარგის საფუძვლებს, ასევე, ის ბავშვები, რომლებსაც უნდათ რომ გააგრძელონ სწავლა უმაღლეს სასწავლებლებში, უნივერსიტეტსა, თუ აკადემიაში, დარგის დიზაინის ან ხატვის მიმართულებით, მათაც მივცემთ საჭირო საბაზისო საფუძვლებს. მათ არ დასჭირდებათ სხვაგან წასვლა, ისინი, აქვე მიიღებენ პროფესიონალურ განათლებას, მიიღებენ იმ ცოდნას, რომელიც უკვე გამოადგებათ უმაღლეს სასწავლებლებში, სადაც სწავლის გაგრძელებას მოისურვებენ. ეს იდეა დროთა განმავლობაში, უფრო და უფრო განვითარდება და შესაძლოა ის მასშტაბები მიიღოს, რომ მსურველებმა პირდაპირ ევროპულ სასწავლებლებშიც ჩააბარონ. ასე, რომ ჩვენ, წალენჯიხიდან გავშლით ხელოვნების ხიდს ევროპის მიმართულებით”, – განმარტა მამუკა ცუცქირიძემ.
მისივე თქმით, ხელოვნებით დაინტერესებული ახალგაზრდებისთვის, “არტ- მეურნეობაში” დარგის შესწავლის საკმაოდ მრავალფეროვანი მეთოდები იქნება, რაც მეტად გაზრდის წარმატებული მოსწავლეების პერსპექტივას არამხოლოდ საქართველოში, არამედ, მის საზღვრებს გარეთაც.
“ხვალ გავხსნით გამოფენას, თუმცა, ამით არ სრულდება ჩვენი “არტ დღეები” წალენჯიხაში – სექტემბრიდან გავაგრძელებთ. ასევე, იქნება კონკურსები, ჩამოვლენ ცნობილი მხატვრები, უცხოელ მხატვრებსაც ჩამოვიყვანთ, გავალთ ბუნებაში დასახატად, იქნება ლექციები და ა.შ. ეს საკმაოდ სრულფასოვანი იდეაა, რომელიც ნელ-ნელა კიდევ უფრო განვითარდება და უფრო დიდ მასშტაბებს მიიღებს. ასე, რომ “არტ- მეურნეობაში” ხიდი უნდა გავშალოთ ევროპისკენ ჩვენი, ხელოვნების ენით”, – განაცხადა მამუკა ცუცქირიძემ.
კომენტარები