ყოფილი პარლამენტარი, ირაკლი მელაშვილი:
რაც მოვისმინე, ისრაელის მიერ ირანის წინააღმდეგ დაწყებულ ოპერაციაზე ყველაზე სწორი შეფასება გერმანიის კანცლერმა, ფრიდრიხ მერცმა, გაააკეთა G-7ის შეხვედრაზე ” ისრაელი ჩვენს მაგივრად აკეთებს შავ საქმეს. ჩვენ ასევე ვიტანჯებით ირანის რეჟიმით”
არ მახსოვს, იმათგან, ვინც ვითომ ჰუმანისტური იდეებითაა შეპყრობილი და ნიანგის ცრემლებს ღვრის ირანის დაბომბვის შედეგად დაღუპულ ადამიანებზე, რომელიმეს მაინც წუხილი გამოეთქვა აიათოლების მიერ ათასობით დახვრეტილ ირანელზე, მოკლულ ოპოზიციონერებზე, ან ჰიჯაბის არ ტარებისთვის დახოცილ ახალგაზრდა ქალებზე.
ფარისევლები ხართ თქვენ ბიძია, თქვენი პოსტების რეალური იდეოლოგიური საფუძვლელი კი არა ჰუმანიზმი , არამედ მამალი ანტისემიტიზმი და ანტიდასავლური აზროვნებაა. უმრავლესობა თქვენგანს ჯერა, რომ ებრაელები მასონები არიან, რომლებიც მართავენ მსოფლიოს, რომ “სიონელ ბერთა პროტოკოლები ” რუსული ახრანკის ნაბოდვარი კი არა, სიმართლეა, რომ ებრაელები კულუარებიდან მართავენ მსოფლიო პოლიტიკას და ა.შ სინამდვიკეში, ირანის მხარდაჭერით გამოხატავთ თქვენს ზიზღს დასავლური, დემოკრატიული სამყაროს მიმართ. ამაშია თქვენი პრობლემა
კომენტარები