ლიეტუველი ევროპარლამენტარი რასა იუკნევიჩიენე შალვა პაპუაშვილის განცხადებას ეხმაურება, სადაც პაპუაშვილმა თქვა, რომ იუკნევიჩიენეს “აქვს თავისი პირადი დამოკიდებულება და ისტორია სტალინთან დაკავშირებით და გადაგვაყოლა მის ზიზღს სტალინთან, გადაგვაყოლა მთელი ერი“.
“მე ისეთი შთაბეჭდილება მრჩება, რომ მათ უკვე დაკარგეს ლოგიკასთან კავშირი. სხვათა შორის, გასულ ვადაში რუსი ოლიგარქის, ბიძინა ივანიშვილის რეჟიმი თავს დაესხა კიდევ ერთ პარლამენტარს, გერმანელ მწვანეთა წარმომადგენელ ვიოლა ფონ კრამონს. როგორც ჩანს, ისინი შეგნებულად ირჩევენ ქალ პოლიტიკოსებზე თავდასხმას — ასეთია ამ კაცების ტრადიციული დამოკიდებულება. თუმცა მე ეს მოტივაციას მაძლევს. ვასრულებ პარლამენტის მიერ დაკისრებულ პასუხისმგებლობიან საქმეს და მოხარული ვარ, რომ ჩემი ინიციატივით მომზადებულმა და მიღებულმა რეზოლუციამ ყველა პოლიტიკური ჯგუფისგან ასეთი დიდი მხარდაჭერა მიიღო“, – წერს ევროპარლამენტარი.
კომენტარები