საზოგადოებრივი მოძრაობა „ფარის“ თანადამფუძნებელი, პოლკოვნიკი გიორგი თავდგირიძე.
მიუხედავად იმისა, რომ ისრაელ-ირანის ომს ჰქონდა და დღესაც აქვს გლობალურ დაპირისპირებაში გადაზრდის დიდი პოტენციალი, არ გვაქვს ინდიკატორები მესამე მსოფლიო ომის მაღალი ალბათობა ვივარაუდოთ. ეს ომი პირდაპირ გავლენას ახდენს რეგიონის სახელმწიფოების უსაფრთხოებაზე და წარმოშობს ბევრ სამხედრო დაპირისპირებას ( ბევრი ასეთი პროცესის მასტიმულირებელი იქნება), მაგრამ დიდი ალბათობით არ გამოიწვევს დაპირისპირებულ ბანაკებში მნიშვნელოვანი რაოდენობის ქვეყნების თავმოყრას.მიუხედავად იმისა, რომ ისრაელს აქვს სრული დომინაცია, ირანის პრობლემის საბოლოო მოგვარება მაინც დროში გაიწელება, ისრაელი მიაღწევს ( ფაქტიურად მიაღწია) სამხედრო მიზნების სრულად შესრულებას, მაგრამ პრობლემა სრულად მხოლოდ მაშინ მოგვარდება, როდესაც ირანში დასრულდება რეჟიმი.ყველასთვის ნათელია, რომ ირანის პრობლემა გაზარდა და კრიზისის ესკალაცია გამოიწვია რუსეთმა. რუსეთი დაეხმარა ირანს ბირთვული პროგრამის დაჩქარებაში. დიდი ალბათობით, ამ დახმარების შედეგად, ირანი ძალიან ახლოს იყო ბირთვული იარაღის მასობრივ წარმოებასთან. ამიტომ ირანის პრობლემის მოგვარება რუსეთის პრობლემის მოგვარების გარეშე წარმოუდგენელია.საქართველო, ოცნების დე ფაქტო მართველობის პირობებში, რუსეთ-ირანის სამხედრო ბლოკის მნიშვნელოვანი შემადგენელია სხვადასხვა მიზეზის გამო. ანუ, პოტენციურად ჩვენ ვართ ამ დაპირისპირების მხარე და უსაფრთხოების რისკები საკმაოდ მაღალი გვაქვს. სანამ ხელისუფლებაში იქნება ოცნება, საქართველო ძალიან შორს იქნება გარანტირებული მშვიდობისაგან და ძალიან ახლოს ომთან.
კომენტარები