• რეკლამა
  • კონტაქტი
02:18, ორშაბათი, 23 ნოემბერი, 2026
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

“ამერიკის რესპუბლიკურმა პარტიამ უკვე დაიწყო „მავნე მინარევებისაგან“ თვითგაწმენდა” – ზურაბ გურული

ალია ავტორი - ალია
20:45 06-19-2025
- ახალი ამბები, მთავარი
A A
0
Facebook-ზე გაზიარება
6,198
მასაჩუსეტის უნივერსიტეტის პროფესორი, ზურაბ გურული:
დეკადების განმავლობაში აწარმოებდა ირანი ომს ისრაელის წინააღმდეგ. ჰამასი, ჰეზბოლა და ჰუსიტები პრაქტიკულად ირანის შეიარაღებულ ძალებს წარმოადგენდნენ. სწორედ იმ ფაქტმა, რომ წარმატებით მოხერხდა ამ სატელიტი არმიების განადგურება, მიიყვანა ირანის რეჟიმი ისრაელთან უშუალოდ დაპირისპირებასთან. ისრაელი ირანთან აბსოლუტურად სამართლიან ომს ეწევა როგორც მორალური, ასევე პოლიტიკური და სამხედრო თვალსაზრისით. ქვეყანა, რომელსაც თავის უზენაეს მიზნად დასახული აქვს მეორე ქვეყნის ფიზიკური განადგურება და დედამიწის პირიდან აღგვა, აუცილებლად გასაჩერებელია და პრევენცია ყველაზე ადეკვატური, ჰუმანური და ეფექტური ტაქტიკაა ამისათვის. შესაბამისად, ამერიკის შეერთებულ შტატებს ვალდებულება აქვს, ბოლომდე გაუწიოს დახმარება თავის მთავარ მოკავშირეს.
ისრაელის სამხედრო ოპერაცია უკვე იმ ეტაპზეა მისული, რომ აწი დამუხრუჭება შეუძლებელია და საშიშიც. ირანს საკმარისი დრო ჰქონდა საკუთარი პოზიციების ადეკვატურად შესაფასებლად, მაგრამ ამ ქვეყნის მაკონტროლებელი ეროვნული ინტელექტი იმდენად დეგრადირებულია, რომ ცივილიზებულ სამყაროს მასთან საუბარი აღარ შეუძლია. ყველა ერს აქვს იმის უფლებაც და შესაძლებლობაც, საკუთარი ინტელექტის დეგრადაცია დაუშვას; არავინ ჩაერევა მათ საქმეში. ცივილიზაცია მათ მხოლოდ მაშინ დაუპირისპირდება, თუ ისინი თავიანთი მასშტაბების გამო მწვავე ეგზისტენციურ კრიზისს შექმნიან კაცობრიობისათვის. ასე იწყებოდა და დაიწყება მსოფლიო ომები. ირანის რეჟიმთან ისრაელ-ამერიკის დაპირისპირებას არ გააჩნია მსოფლიო ომამდე ესკალაციის პოტენცია არცერთი ობიექტური კრიტერიუმით; სამაგიეროდ გააჩნია მსოფლიო ეკონომიკური კრიზისის გამოწვევის პოტენცია; სწორედ ამიტომ არის საჭირო ამერიკის სწრაფი და გადამწყვეტი მოქმედება.
“ვინმემ აუხსენით დაცენტრილ ტაკერ კარლსონს, რომ ირანს არ შეიძლება ჰქონდეს ბირთვული იარაღი“- აღმოხდა გაბრაზებულ პრეზიდენტ ტრამპს. ეს ფრაზა წარმატებით შეიძლება გავრცელდეს სხვა „დაცენტრილებზეც“ მთელი მსოფლიოს მასშტაბით. მიმდინარე მოვლენებმა გადაფარა ამ ფრაზის ისტორიული მნიშვნელობა; არადა, ტაკერ კარლსონთან და მარჯორი ტეილორ-გრინთან პრეზიდენტის დაპირისპირებამ ნათლად დააფიქსირა, რომ ტრამპის პოლიტიკურ დოქტრინას მემარჯვენე რადიკალებთან მხოლოდ ხანმოკლე, მყიფე, სიტუაციური კავშირი ჰქონდა, რომელიც მაშინვე დაიშალა, როგორც კი ფუნდამენტური პოლიტიკური მრწამსის ნათლად დაფიქსირება გახდა საჭირო.
ამერიკის რესპუბლიკურმა პარტიამ უკვე დაიწყო „მავნე მინარევებისაგან“ თვითგაწმენდა, რასაც ვერ ვიტყვით დემოკრატიულ პარტიაზე, სადაც პარადი ისევ რადიკალ ოკასიო-კორტესებს მიჰყავთ, რადგან უფრო ინტელექტუალური სპექტრი უიმედოდ იმპოტენტი გამოდგა.
ძალიან სამწუხაროა, რომ ამ პროცესს საერთოდ ვერაფერი გაუგო აზროვნებაზე პრეტენზიის მქონე ქართულმა პოლიტიკურმა სპექტრმა, რომელიც ისევ ჯიუტად მიჰყვება ამერიკელი რადიკალი მემარცხენეების უკვე მრავალჯერ გაბითურებულ ტრენდს და თავგამოდებული ამტკიცებს, რომ თურმე ამერიკის თავდაცვის მინისტრმა ჰეგსეტმა მომავალი წლიდან უკრაინისათვის სამხედრო-ეკონომიკური დახმარების შეწყვეტა დაანონსა. არადა, საკმარისია გუგლ-ში ჩამონტაჟებულ ხელოვნურ ინტელექტს დაუსვათ შეკითხვა, სიმართლეა თუ არა ეს და სწორ პასუხს მიიღებთ, მაგრამ შესაბამის მედიათა ჟურნალისტებს ურჩევნიათ გააგრძელონ სიცრუის ტირაჟირება მხოლოდ იმის გამო, რომ მათ რედაქტორებს არჩეული ტრენდიდან ჩამოხტომა არ სურთ თავიანთი ბითური თავმოყვარეობის შენარჩუნების გამო. შედეგიც სახეზეა. საქართველოში რეალური პოლიტიკა მოკვდა; საზოგადოება კი დათრგუნული და სასოწარკვეთილია.
იმედია, ირანელი ხალხი ამერიკის დახმარებით წარმატებით შეძლებს დეგრადირებული რელიგიური პრიმიტივიზმიდან ახალი, ბედნიერი საზოგადოების შექმნას. როგორც ჩანს, ხანდახან ამ კეთილშობილური პროცესის ინიცირებას „ოპიუმით“ გაბრუებულ თავში ბომბის ჩარახუნება სჭირდება.
ვნახოთ …

კომენტარები

რედაქტორის რჩევით

“ალოო, კალაძე, იძირება თბილისი” – დატბორილი.ქუჩები და ხალხი მერს
ახალი ამბები

“ალოო, კალაძე, იძირება თბილისი” – დატბორილი.ქუჩები და ხალხი მერს

23:24 08-14-2026
“გაირკვა სიმართლე!” – ვინ გაყიდა საწვავი? – მილიონერი ბიზნესმენი და კავშირი ოცნების დეპუტატთან
ახალი ამბები

“გაირკვა სიმართლე!” – ვინ გაყიდა საწვავი? – მილიონერი ბიზნესმენი და კავშირი ოცნების დეპუტატთან

15:55 08-14-2026
“ფაქტები, თუ როგორ გვატყუებს გეორგევსკის ტრაქტატის თაობაზე ხელისუფლება” – ირაკლი მელაშვილი
ახალი ამბები

“ფაქტები, თუ როგორ გვატყუებს გეორგევსკის ტრაქტატის თაობაზე ხელისუფლება” – ირაკლი მელაშვილი

23:28 08-13-2026
„ივანიშვილს მოსკოვიდან გამოატანეს 2 მილიარდი დოლარი საქართველოში რუსული საქმეების გასაკეთებლად“ – გიორგი გუგავა
ახალი ამბები

„ივანიშვილი პირდაპირ ეუბნება ამერიკელებს, რომ სახელმწიფო მე ვარ და მე უნდა დამელაპარაკოთო…“ – კოტე კემულარია

17:04 07-18-2026

ბიზნესი

სილქნეტის მომხმარებელი მრავალფეროვან პაკეტებს სპეციალურ პირობით ჩაირთავს
ახალი ამბები

სილქნეტის მომხმარებელი მრავალფეროვან პაკეტებს სპეციალურ პირობით ჩაირთავს

11:32 11-20-2026
„ვილაპარაკოთ, რომ გავუგოთ და არა მოვუგოთ“ – სელფი მობაილის  ახალი კამპანია   
ახალი ამბები

„ვილაპარაკოთ, რომ გავუგოთ და არა მოვუგოთ“ – სელფი მობაილის ახალი კამპანია   

17:09 11-19-2026
თიბისი კაპიტალმა მაკროეკონომიკური განახლება გამოაქვეყნა
ახალი ამბები

თიბისი კაპიტალმა მაკროეკონომიკური განახლება გამოაქვეყნა

15:33 11-19-2026
თიბისის მონაცემთა დამუშავების ცენტრი – უნიკალური შესაძლებლობების მქონე ახალი ინფრასტრუქტურა საქართველოში
ახალი ამბები

თიბისის მონაცემთა დამუშავების ცენტრი – უნიკალური შესაძლებლობების მქონე ახალი ინფრასტრუქტურა საქართველოში

13:55 11-19-2026
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • არქივი

Powered By || Web Features || © 2026 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • რეკლამა
  • კონტაქტი

Powered By || Web Features || © 2026 Alia.ge - All rights reserved