აშშ-ს პრეზიდენტის, დონალდ ტრამპის თქმით, საფრანგეთის პრეზიდენტმა ემანუელ მაკრონმა შეცდომით თქვა, რომ ტრამპი G7-ის სამიტიდან ვაშინგტონში, სამიტის დასრულებამდე 1 დღით ადრე, ისრაელსა და ირანს შორის ცეცხლის შეწყვეტის მიღწევისთვის სამუშაოდ ბრუნდებოდა.
“ყურადღების მაძიებელმა საფრანგეთის პრეზიდენტმა ემანუელ მაკრონმა შეცდომით თქვა, რომ მე G7-ის სამიტი, კანადაში, დავტოვე, რათა ვაშინგტონში დავბრუნებულიყავი და ისრაელსა და ირანს შორის ცეცხლის შეწყვეტაზე მემუშავა.
არასწორია! მან საერთოდ არ იცის, რატომ მივდივარ ახლა ვაშინგტონში, თუმცა ამას ნამდვილად არაფერი აქვს საერთო ცეცხლის შეწყვეტასთან. ამაზე უფრო დიდია. მიზანმიმართულად თუ არა, ემანუელი ყოველთვის ცდება. დაგველოდეთ!” – დაწერა აშშ-ს პრეზიდენტმა Truth Social-ზე.
კომენტარები