,, მალე გვექნება მშვიდობა ისრაელსა და ირანს შორის!” – ტრამპი

აშშ-ის პრეზიდენტი დონალდ ტრამპი სოციალურ ქსელში დაწერილ განცხადებაში ამტკიცებს, რომ ახლო მომავალში ირანსა და ისრაელს შორის შეთანხმებას მიაღწევს:

“ირანმა და ისრაელმა უნდა გააფორმონ შეთანხმება – და გააფორმებენ კიდეც, ზუსტად ისე, როგორც ინდოეთსა და პაკისტანს შორის შევძელი შეთანხმების მიღწევა: იმ შემთხვევაში ვაჭრობით ვიმოქმედეთ და ამ გზით შევიტანეთ აზრი, თანხმობა და საღი გონება მოლაპარაკებებში ორ შესანიშნავ ლიდერს შორის, რომლებმაც სწრაფად მიიღეს გადაწყვეტილება და შეწყვიტეს დაპირისპირება!

ასევე, ჩემი პირველი ვადის განმავლობაში, სერბეთი და კოსოვო ძალიან აქტიურად უპირისპირდებოდნენ ერთმანეთს, როგორც ეს ათწლეულების განმავლობაში ხდებოდა და ეს ხანგრძლივი კონფლიქტი ომში გადასასაზრდელად მზად იყო. მე შევაჩერე ის (ბაიდენმა რამდენიმე ძალიან სულელური გადაწყვეტილებით ზიანი მიაყენა გრძელვადიან პერსპექტივებს, მაგრამ მე ისევ მოვაგვარებ მას!). კიდევ ერთი შემთხვევაა ეგვიპტე და ეთიოპია. ჩემი ჩარევის წყალობით, სულ მცირე, ახლა მშვიდობაა და ასეც დარჩება!

ასევე, მალე გვექნება მშვიდობა ისრაელსა და ირანს შორის! ახლა ბევრი ზარი ხორციელდება და შეხვედრა იმართება. ბევრს ვაკეთებ და არასდროს მიმიღია აღიარება რაიმესთვის, მაგრამ არა უშავს, ხალხი ხვდება. გავხადოთ ახლო აღმოსავლეთი კვლავ დიდებული!”