სია – ვის გასამართლებას გეგმავს ხვალ ოცნების სასამართლო? – “ოცნების” კოლექტიური საჩივარი და გეკა გელაძის უწყების კომენტარი

რადიო თავისუფლების ცნობით, მათ ინფორმაცია დაუდასტურეს შინაგან საქმეთა სამინისტროს პრესსამსახურში.

„ადმინისტრაციული სამართალდარღვევის შესახებ ფრაქცია „ქართული ოცნების“ თავმჯდომარის 2025 წლის 6 ივნისს წარმოდგენილი განცხადება/საჩივრის საფუძველზე, საქართველოს შინაგან საქმეთა სამინისტრომ დაიწყო ადმინისტრაციული საქმის წარმოება“, – აცხადებენ შსს-ში.

თბილისის საქალაქო სასამართლოში ხვალ, 12 ივნისს გაიმართება სასამართლო სხდომები, ჟურნალისტების, პოლიტიკოსებისა და აქტივისტების წინააღმდეგ:

ელენე ხოშტარია,

ვახო სანაია,

ვიკა ბუკია,

გიორგი თუმასიანი,

თამარ ჩერგოლეიშვილი,

ანა სუბელიანი,

მარიამ გეგუჩაძე,

ნანუკა ჟორჟოლიანი,

მიშა მშვილდაძე,

ბაია პატარაია,

ეკა მიშველაძე,

ალეკო ელისაშვილი,

ლევან ხაბეიშვილი,

დეა მამისეიშვილი,

დავით ქაცარავა,

გიგა მაქარაშვილი,

ქეთი მოლაშვილი,

გიორგი ტუმასიანი

ჟურნალისტებს, აქტივისტებსა და პოლიტიკოსებს FB სტატუსების გამო 1500 ლარიდან 4000 ლარამდე ჯარიმა ან 45 დღემდე პატიმრობა ემუქრებათ. ადმინისტრაციულ სამართალდარღვევათა კოდექსი „ქართულმა ოცნებამ“ პროევროპული აქციების პარალელურად გაამკაცრა.

ეს კანონი უკვე გამოიყენა „ქართული ოცნების“ დეპუტატმა მარიამ ლაშხმა. 17 მაისს ლაშხთან, როცა ის კაფეში იმყოფებოდა მცირეწლოვან შვილებთან ერთად, მივიდა რამდენიმე ქალი შეძახილებით: „თავისუფლება რეჟიმის ტყვეებს, არა რუსულ რეჟიმს, ძირს რუსეთის მონები, არა რუსეთის მონებს…“ ლაშხმა ეს შეურაცხყოფად აღიქვა, შსს-ს მიმართა, სასამართლომ კი ორ აქტივისტ ქალს 12-12-დღიანი პატიმრობა შეუფარდა, ერთს კი 4-ათასლარიანი ჯარიმა.

წყარო – რადიო თავისუფლება