“სინდისის პატიმრების ოჯახის წევრებს შეხვედრა გვქონდა ლელოს ლიდერებთან” – თორნიკე სხვიტარიძე

საბა სხვიტარიძის ძმა, თორნიკე სხვიტარიძე, სოციალურ ქსელში, წერს:

მე და ჩემს ოჯახს ამ შეხვედრამდეც გვქონდა მტკიცე პოზიცია ადგილობრივ არჩევნებზე მონაწილეობასთან დაკავშირებით – და არც ერთი წამით არ შეგვცვლია ეს პოზიცია შეხვედრის შემდეგაც.

არ გვჯერა და კატეგორიულად მიუღებლად მიგვაჩნია ამ რეჟიმთან არჩევანობანას თამაშში მონაწილეობა.

ეს არის რეჟიმი, რომელმაც 26 ოქტომბერს ქართველ ხალხს გამარჯვება წაართვა — საკუთარი, ნაყიდი ცესკოს ხელით.

ადგილობრივ არჩევნებზე ზუსტად ეს ცესკო იქნება.

არანაირი შანსი არ არსებობს, რომ ის არჩევნები სამართლიანი იყოს.

ბევრი ვისაუბრეთ, ვიკამათეთ — მაგრამ ოჯახების უმრავლესობა მაინც ერთ აზრზე დავრჩით:

არა ადგილობრივ არჩევნებს.

არა რუსულ რეჟიმს.

ბევრი ვიბრძოლეთ იმისთვის, რომ ეს რეჟიმი არალეგიტიმური ყოფილიყო.

და არ ვაპირებთ, ეს ბრძოლა წყალში ჩავყაროთ.