ოჩამჩირეში რუსული სამხედრო ფლოტის ტექნიკური ბაზა აშენდება. ამ განცხადებას ე.წ პრეზიდენტი ბადრა გუნბა რუსულ პროპაგანდისტულ მედიასთან აკეთებს.
აღსანიშნავია, რომ ჯერ კიდევ ორი წლის წინ სუსი ამტკიცებდა, რომ საქართველოს ოკუპირებულ ტერიტორიაზე არანაირი სამხედრო ბაზის მშენებლობა დაგეგმილი არ იყო. მაშინ სახელმწიფო უსაფრთხოების სამსახური ოპოზიციას, ექსპერტებს და ამ თემით დაინტერესებულ პირებს არწმუნებდა, რომ ოჩამჩირეში, ანაკლიიდან რამდენიმე კილომეტში, საკონტეინერო გადაზიდვების ტერმინალი შენდებოდა.
ანალიტიკოსები საფრთხეებზე საუბრობენ და პირდაპირ ამბობენ, რომ “ოცნება” არაფერს აკეთებს იმისთვის, რომ რუსეთმა ოკუპირებული აფხაზეთი საბრძოლო პოლიგონად არ აქციოს.
ექსპერტი უსაფრთხოების საკითხებში ანდრო გოცირიძე, ტვ პირველთან, ამბობს:
ყველა შემთხვევაში იქნება ლეგიტიმური სამიზნე რუსეთის მოწინააღმდეგეების, ამ შემთხვევაში, უკრაინის. ეს პორტი ანაკლიიდან, დაახლოებით, 25-30 კმ-ის დაშორებით არის და რა თქმა უნდა, ამ ინვესტიციისთვის ძალიან დიდი საფრთხის შემცველია. ერთ-ერთი მიზეზი ამ პორტის აქ განთავსებისა, ესეც არის, შეუშალოს ხელი საქართველოს ინტეგრაციას ამ სატრანზიტო გზაზე, დერეფანში.
კომენტარები